E fundit!

09:42 Aktualitet

“Jam i kërcënuar me jetë, si unë dhe familja ime”/ Flet ish i dënuari, akuza oficerit të policisë gjyqësore

Besmir Gjezari sot ka përfituar lirinë falë projektligjit ...

Zbulohet skandali/ Ngjarja e Rinasit mund të ishte parandaluar

11 Prill 2019, 13:23, Aktualitet CNA

Sipas kryetari të Partisë Demokratike, grabitja e 10 milion eurove dy ditë më parë në Aeroportin Ndërkombëtar të Rinasit, mund të ishte parandaluar.

Në një deklaratë për mediat, Lulzim Basha tha se ngjarja mund të ishte parandaluar, nëse Policia e Shtetit do të kishte zbatuar urdhërin e ministrit të Brendshëm, të dhënë me datë 5 gusht 2018.

?Ngjarja e Rinasit mund të ishte parandaluar nëse Policia e Shtetit do të zbatonte urdhërin 130, të datës 5 gusht 2018, i cili kërkon që Policia e Shtetit të ruajë dhe shoqërojë transferimin e vlerave monetare mbi 500 milion lekë. Kjo nuk ishte përmbushur.?-tha Lulzim Basha.

Më tej, kryedemokrati tha se Sandër Lleshaj i bëri bisht dhe nuk i dha përgjigje pyetjes së pse prej 6 vitesh nuk u arrestuar Admir Murataj, por për më tepër realizoi 3 grabitje duke sfiduar kështu hapur Policinë e Shtetit

Më tej, Basha tha se “Rama ka shkelur kushtetutën duke emëruar Gjeneral Sandër Lleshajn kryetar të këshillit drejtues të aviacionit civil. Nën drejtimin e këtij këshilli nga Lleshaj aeroporti është grabitur dy herë. Kompania private që ka dështuar në mbrojtjen e sigurisë figuron në bashkëpronësi të avokatit të PS-së, Eno Bushi, i njohur si avokati i Riformatos, piloti italian të avionit me drogë.

Ndërsa gruaja e tij, Joana Bushi është drejtoreshë e trafikut ajror. Më shumë pyetje mbeten pa përgjigje, logoreja e Ramës rreket me propagandë. Pse nuk u zbatuar urdhri 130 për shoqërimin e parave nga policia? Cfarë përgjegjësie ka kompania e sigurisë në Rinas? Pse Lleshaj u emërua kryetar i kësaj drejtorie në shkelje të ligjit? Pse pas përplasjes me policinë grabitësit u larguan në këmbë pasi dogjën makinën? A janë akoma 10 mln euro në duar të bandës? A është vetëm për paaftësi apo kemi të bëjmë me bashkëorganizim të grabitjes me shtetin? A është shteti si në rastin e kultivimit të drogës? Pa shpallur gjendjen e jashtëzakonshme dhe autorizim nga Kuvendi ushtria u nxor nga gazermat./CNA.al