web counter
LEXO PA REKLAMA!

SHKARKO APP

App Store
Google Play

Rinasi merret nën ruajtje nga Ushtria/ Reagon ashpër ish-Ministri i Mbrojtjes

11 Prill 2019, 10:54, Aktualitet CNA

Kreu i Partisë Republikane Fatmir Mediu ka reaguar, në lidhje me grabitjen e ndodhur në Rinas.

Me anë të një postimi në rrjetet sociale, Mediu ka komentuar edhe vendosjen e Ushtrisë në Rinas.

Sipas tij është e papranueshme që Forcat e Armatosura të shndërrohen në instrumenta të urdhrave politikë.

Postimi i Mediut:

?Kushtetuta dhe ligji kanë përcaktuar qartë rolin dhe misionin e Forcave të Armatosura.

Ne jemi vend anëtar i NATO-s dhe është e papranueshme që FA të shndërrohen në instrumenta të urdhërave politikë, nga kushdo që vjen në kundërshtim me ligjin dhe Kushtetutën.

Forcat e Armatosura kanë dy raste që mund të përdoren:

a- Në rastin e gjendjes së jashtëzakonshme:

Neni 22

Pe?rdorimi i Forcave te? Armatosura gjate? gjendjes se? jashte?zakonshme

Nuk jemi aspak përballë një situate të tillë. Nëse shteti dhe policia ka rënë, kjo nuk është për shkak të paaftësisë së tyre apo mungesës së strukturave të specializuara për ruajtje të objekteve të sigurisë së veçantë apo përballjeve me grupe kriminale.

Për fatin e keq, forcat e Policisë janë kthyer në instrument politik, kundër qytetarëve dhe të drejtave të tyre, duke dhunuar qytetarët në emër të qeverisë.

b- FA përdoren në rastin e emergjencave, si ndërhyrje e domosdoshme, pasi janë përdorur të gjitha mjetet dhe strukturat e tjera në dispozicion.

Asnjë nga këto dy momente ligjore dhe kushtetuese, nuk përputhet me atë ç?ka ndodhi në Rinas, prandaj vendosja e strukturave ushtarake është jo kushtetuese dhe jo ligjore dhe krijon një precedent të rrezikshëm për përdorim për interesa dhe qëllime jashtë misionit të tyre?, shprehet Mediu. /CNA.al

 





Lajmet e fundit nga