web counter
LEXO PA REKLAMA!

SHKARKO APP

App Store
Google Play

E fundit!

x

Kryemadhi “degjeneron” Spiropalin/ Shqiptarët nuk duan filma në Holliwood

11 Prill 2019, 10:48, Aktualitet CNA

Kryetarja e LSI-së, Monika Kryemadhi në një deklaratë për mediat ka reaguar në lidhje me grabitjen e ndodhur në Aeroportin e Rinasit.

Sipas Kryemadhit, nëse në një aeroport të një vendi anëtar të NATO-s hyhet dhe cënohet ne mes të ditës është cënim i sigurisë kombëtare.

Më tej Kryemadhi u shpreh se shqiptarët ndjehen të pasigurtë sepse nuk ka asnjë përgjegjës për ngjarjen e Rinasit.

?Nëse  në një aeroport ndërkombëtar i një vendi anëtar i NATO-s mund të hyhet dhe cënohet në mes të ditës është cënim i sigurisë kombëtare. Sot shqiptarët ndjehen të pasigurtë sepse aeroporti i vetëm shqiptar është më i atakuar nga bandat e krimit sa herë që iu duhen para dhe sidomos në kohë zgjedhjesh. Kriminelët nuk ndihen aspak të rrezikuar nga forca e ligjit pasi janë të mbrojtur nga qeveria dhe policia e shtetit e cila ka për detyrë të mbrojë në thonjëza qytetarët shqiptarë. Shqiptarët ndjehen të pasigurtë pasi nuk shikojnë të tërhiqet asnjë përgjegjës por shikojnë arrestimet e banorëve duke i nxjerrë nga shtëpitë e ndërtuara me gjak.?,-tha Kryemadhi.

Kryemadhi ironizoi edhe deklaratën e bërë nga Elisa Spiropali, për përdhunimin e të miturës në Kavajë, kur tha që ngjarje të tilla u bënë filma.

?Mundohen ta kalojnë këtë ngjarje duke ia hedhur fajin njëri tjetri. Shqiptarët nuk duan të dëgjojnë më që ngjarje të tilla bëhen edhe filma në Holliwood. Shqiptarët nuk duan të dëgjojnë më gjëra të tilla por duhet të ndjehen të sigurtë për të ndërtyuar jetët e tyre në vendin e tyre. Policia po mbron krimin dhe nuk është në krah të qytetarve dhe këtë e ka dëshmuar duke gjakosur banorët e Bregut të Lumit?,-deklaroi Kryemadhi./ CNA.al





Lajmet e fundit nga