E fundit!

12:16 Aktualitet

SPAK kërkon 98 vite burg për Durim Bamin, Aldo Avdylin dhe 5 të tjerë

Prokuroria e Posaçme ka dhënë pretencën për disa nga të pa...

Fakte/ Basha e ka në krah bashkëpunëtorin në krimet e Ramës

11 Prill 2019, 08:52, Aktualitet CNA

Për të disatën herë, dje kryetari i Partisë Demokratike, Lulzim Basha drejtoi gishtin e tij tek kryeministri Edi Rama, si njeriu që solli krimin në parlament dhe si përgjegjësi kryesor për grabitjen në Rinas.

Ndoshta ka të drejtë, ka të gjitha faktet dhe argumentet për të akuzuar kryeministrin Rama se çoi në parlament njerëz të inkriminuar. U desh ligji i Dekriminalizimit që të pastrohej parlamenti. Pas tij dhjetëra deputetë braktisën mandatin.

Por, përtej kësaj Lulzim Basha duhet të thotë edhe bashkëpunëtorin në krim të Edi Ramës. Atë që e ndihmoi Edi Ramën të vinte në pushtet, atë që e mbështeti Edi Ramën fuqishëm që të sillte krimin dhe banditët në parlament e ka vetë sot në krah dhe kjo është LSI-ja.

LSI-ja ishte partia e cila në vitin 2013, pas katër vitesh qeverisje me Berishën dhe pasi hëngri ngjala në Gjirin e Lalzit me Edi Ramën, kaloi në krah të kryeministrit.

Ishte LSI-ja aleatja kryesore dhe Ilir Meta, i cili deklaronte se koalicioni i Rilindjes do të merrte mbi 80 mandate. Ishte po LSI-ja që e solli në pushtet Edi Ramën, me 16 deputetët e saj.

Pra, përtej gjithçkaje që thotë kryetari i PD-së, edhe pse shumë prej argumenteve mund t?i ketë të drejta, duhet të drejtojë gishtin edhe tek aleatët e tij. Duhet të shohë atje ku është thelbi i problemit. Tek tepsia e vërtetë. Jo vetëm tek argumentet që jep për kryeministrin, por tek tepsia e provuar tashmë, që ?dashuron? fort Rama dhe që nuk rri dot pa e provuar LSI-ja.

E sot kryeministrin e kemi me tepsi në dorë, sepse një dorë ia dha LSI-ja dhe sepse një dorë ia dha edhe vetë Lulzim Basha në vitin 2017. Por, le t?i lëmë këto argumente. Le të kthehemi tek faktet.

A nuk ishte aleati i Lulzim Bashës, që e solli Edi Ramën në pushtet?

A nuk ishte ky aleat, sot i Lulzim Bashës, që mbështeti krimin e Edi Ramës që të hynte në parlament?

Nga ana tjetër, është vetë Lulzim Basha që e ka akuzuar presidentin e sotëm, ish-kreun e LSI-së si një njeri që ka dashur të vrasë njerëz. Kujtojmë këtu vitin 2016, kur i kërkonte dorëheqjen për shkak të dyshimeve të atëhershme dhe plasjes së skandalit ?Dosja Meta?.

Pra, janë të gjitha faktet, të gjitha argumentet, edhe për 2013-ën, edhe gjatë kohës kur LSI qeveriste me Partinë Demokratike, si rasti i ish-zv.kryeministrit të atëhershem dhe ministrit të Ekonomisë, i kapur me bllok në dorë, janë edhe argumentet e qeverisjes së Ilir Metës me Edi Ramën, janë edhe argumentet e sotëm, të cilët tregojnë një element tjetër dhe bashkëpunëtor të fortë të krimit në politikë, dhe ky e ka emrin Ilir Meta dhe partia e tij, LSI, që sot është aleate e Lulzim Bashës.

Lulzim Basha nuk mund të bëjë sikur nuk shikon në krah. Nuk mund të bëjë sikur në njërin krah nuk ka sy dhe në krahun tjetër shikon mjaft mirë. Ai sot ka në krah bashkëpunëtorin në krim të kryeministrit Rama, ashtu siç ka qënë ky vetë në fakt Lulzim Basha.

Prandaj do të duhet shumë që Luli të ndryshojë dhe të jetë i vërtetë dhe i besueshëm për shqiptarët dhe për demokratët, duke drejtuar gishtin jo vetëm tek Edi Rama, por edhe tek aleati që ka në krah, si bashkëpunëtor i krimit, por edhe tek vetja si mbështetës i Edi Ramës në vitin 2017, atëherë kur ai luftonte LSI-në dhe Ilir Metën ./ CNA.al