web counter
LEXO PA REKLAMA!

SHKARKO APP

App Store
Google Play

“Bashkoj votat me PS”/ Deputeti i ri ka një kusht për Ramën

11 Prill 2019, 13:05, Aktualitet CNA

Korab Lita është një ndër deputetët e rinj të opozitës, i cili bëri sot betimin në parlament.

Korab Lita, i cili vjen nga listat e PD-së, pas betimit ka mbajtur fjalën e parë në Kuvendin e Shqipërisë.

Në të njëjtën linjë me demokratët jashtë parlamentit, ai tha se kërkon largimin e qeverisë, por duke e luftuar nga brenda.

“Ju keni shumicën falë votave të blera dhe të marra me presion. Mund të qeshni se këto fjalë nuk kanë asgjë të re. Unë do të mundohem të sjell prova si dje ku i keni vjedhur votat. Pas cdo proteste mbushni qelitë me njerëz të pafajshëm. Shqipëria ka një sistem që legjitimon sistemin e njëshit. Ky sistem për fat të keq është miratuar me marrëveshjen e dy palëve. Unë deri dje isha në protestë, mund të isha sërish atje, po vendosa që luftën ta bëj nga parlamenti. Pas konsultimit me të gjithë njerëzit e mi në Kamëz vendosa që të jem në parlament.

Ata që protestojnë jashtë janë miqtë e mi dhe duan që qeveria të largohet sa më shpejt. Sot ka mijëra socialistë që dëshirojnë largimin tuaj.?-tha Korab Lita.

Por, pavarësisht kritikave, deputeti theksoi se është gati që të bashkojë votat me shumicën e drejtuar nga Edi Rama, nëse do të miratojë ndryshimin e ligjit zgjedhor.

?Ju duhet të ndryshoni ligjin zgjedhor. Unë deklaroj se do të bashkoj votën me ju nëse do të ndryshoni ligjin zgjedhor. Do i hapej rruga përfshirjes në jetën publike të personave me integritet të lartë. Do të bashkoj votën me ju nëse ndryshoni sjelljen me votën. Kuvendi duhet të miratojë ligjin zgjedhor dhe më pas Kuvendi të shpërndahet”  u shpreh Korab Lita.





Lajmet e fundit nga