web counter
LEXO PA REKLAMA!

SHKARKO APP

App Store
Google Play

Grabitësit u fshehën në tunele/ Nis hetimi për shpërdorim detyre

11 Prill 2019, 20:19, Aktualitet CNA

Prokuroria e Krimeve të Rënda e ka regjistruar grabitjen e Rinasit të më shumë se 10 milionë eurove për 4 vepra penale. Grabitje me armë, prodhim municionesh, grup i strukturuar kriminal si edhe shpërdorim detyre.

Vepra e fundit, sipas burimeve, është regjistruar për të vendosur para përgjegjësisë strukturat dhe zyrtarët përgjegjës të institucioneve që kishin përgjegjësi për të garantuar sigurinë në Areoportin ?Nënë Tereza? pa lënë jashtë verifikimit edhe tre bankat që ranë pre? e sulmit menjëherë pasi kishin dorëzuar në aeroport disa milionë euro që do të transportoheshin më pas nga Shqipëria drejt Vjenës.

Prokuroria thotë se ka rihapur dosjet e pezulluara për Admir Muratajn, i dyshuar edhe për 3 grabitje të tjera, por që çështja nuk u gjykua ndaj tij pasi ai rezultonte në kërkim ndërkombëtar. Rihapja e dosjeve për grabitësin e vrarë gjatë shkëmbimit me armë zjarri ne fakt kryhet për të verifikuar edhe një herë edhe persona të tjerë që përmenden aty, disa prej të cilëve janë të paidentifikuar e disa të tjerë janë në kërkim.

Nga ana tjetër, një burim i tha Top Channel se përveç 4 grabitësve që shfaqen në kamera duke rrëmbyer mbi 10 milionë euro, Admir Murataj ka edhe bashkëpunëtorë të tjerë në sulmin e fundit të grabitjes, përfshi njërin prej tyre që me shumë mundësi i ka pritur me furgon tjetër në afërsi të Urës së Brarit, një person i dytë që ka djegur një makinë në Bathore për të çorientuar policinë, e cila ra në kurthin e grabitësve duke kërkuar në krahun e kundërt, në kohën që autorët udhëtuan drejt fshatit Drithas.

Pikërisht në tunelet e këtij fshati autorët qëndruan deri në mesnatë, kur edhe i vunë zjarrin makinës së tyre dhe u larguan sërish në drejtim të paditur. /TCH

 

 





Lajmet e fundit nga