web counter
LEXO PA REKLAMA!

SHKARKO APP

App Store
Google Play

E fundit!

x

Arrestimi i Julian Assange/ Presidenti ekuadorian sqaron heqjen e azilit

11 Prill 2019, 17:48, Aktualitet CNA

 Presidenti i Ekuadorit, Lenin Moreno, lëshoi një deklaratë të Enjten, ku shpjegoi vendimin e vendit të tij për ti hequr azilin diplomatik themeluesit të platformës “WikiLeaks”, të arrestuar ditën e sotme në ambientet e brendëshme të Ambasadës ekuadoriane në Londër.

Sikurse konfirmon radioja “Zeri i Amerikës”: Presidenti tha se Assange kishte “arritur kufirin” me sjelljen e tij.

“Po njoftoj sot se sjellja e pahijshme dhe agresive e zotit Julian Assange, deklaratat armiqësore dhe kërcënuese të organizatës së tij kundër Ekuadorit dhe veçanërisht, shkeljet e traktateve ndërkombëtare, e kanë çuar situatën në një pikë ku azili për të nuk mund të zgjatet dhe nuk është më praktikë. Ekuadori ka vendosur të ndërpresë azilin diplomatik që i është dhënë zotit Assange, që nga viti 2012”.

Presidenti Moreno renditi një varg shkeljesh që pretendon se janë bërë nga Julian Assange gjatë kohës së qendrimit të tij në Ambasadë, duke përfshirë instalimin e pajisjeve elektronike të cilat nuk ishin të lejuara, bllokimin e kamerave të sigurisë, keqtrajtimin e rojeve dhe qasjen pa leje në dosjet e sigurisë së Ambasadës.

Udhëheqësi ekuadorian tha, më së fundmi se, “WikiLeaks” publikoi dokumente të Vatikanit dhe se para dhe pas publikimit, anëtarët kryesorë të organizatës e vizituan Assange, duke treguar marrëdhënien e tij të vazhdueshme me një grup “që ndërhynë në punët e brendshme të shteteve të tjera”.

Një deklaratë e policisë metropolitane thotë se oficerët e arrestuan Assange në ambasadë në lidhje me një urdhër britanik të qershorit 2012 për “dështim për t’u dorëzuar në gjykatë”. Policia tha se ishte ftuar në ambasadë nga ambasadori i Ekuadorit pasi qeveria ekuadoriane i hoqi Julian Assange-it të drejtën e azilit.

Ekuadori i heq azilin/ Policia Metropolitane arreston “rebelin” e “WikiLeaks”

 





Lajmet e fundit nga