web counter
LEXO PA REKLAMA!

SHKARKO APP

E fundit!

x

I grabisin shtëpinë në mbrëmje/ Policia: Është vonë tani, vijmë nesër

11 Prill 2019, 16:49, Aktualitet CNA

Një vjedhje është bërë mbrëmjen e djeshme në një fshat të Sarandës.

Ngjarja ka ndodhur në fshatin Sopik të Bashkisë së Finiqit.

Sipas kryefamiljarit, vjedhja ka ndodhur rreth orën 19:00, në kohën kur në shtëpi nuk ka patur asnjë prej familjarëve.

Vjedhja është konstatuar rreth orës 21:00, pasi janë kthyer në shtëpi dhe kanë parë dhomat dhe plackat e shtëpisë të kthyera përmbys.

Siç raporton Saranda Web, menjëherë ai ka shkuar te vendi ku kishte të fshehura një shumë prej 2 milionë e 60 mijë lekë të vjetra dhe ka konstatuar se paratë ishin vjedhur.

Më pas ka lajmëruar policinë, nga e cila morën përgjigje se policia nuk mund të shkonte në ato çaste, por në mëngjes.

Dyshimet e familjarëve, të cilat ja kanë përcjellë edhe policisë, janë se vjedhja është kryer nga ndonjë banor i fshatit, i cili ka parë largimin e familjarëve nga shtëpia dhe ka hyrë për të realizuar vjedhjen.





Lajmet e fundit nga