E fundit!

13:58 Aktualitet

SPAK sekuestron pasurinë në pronësinë indirekte të Belinda Ballukut

Prokuroria e Posaçme ka vendosur masën e sekuestrimit pasu...

Ekuadori i heq azilin/ Policia Metropolitane arreston "rebelin" e "WikiLeaks"

11 Prill 2019, 17:26, Aktualitet CNA

Dyzetë e shtatë vjeçari, Julian Assange, themeluesi i platformës “WikiLeaks”, njeriu që nëntë vite më parë tronditi mbarë botën me informacionin e publikuar, është arrestuar ditën e sotme, ndërsa prej vitesh qendronte i strehuar në ambasadën e Ekuadorit në Londër.

Lajmin e arrestimit të tij e ka konfirmuar policia Metropolitane ( Metropolitan Police Servis), nga sajdi on-line i të cilës(http://news.met.police.uk/news/arrest-update-sw1-365526 ?), mësohet se Assange, i dtl. 03.07.1971, është prangosur nga oficerët e kësaj policie në Ambasadën e Ekuadorit, ku ai ishte strehuar që nga viti 2012.

Një deklaratën e shpërndarë lidhur me këtë rast Policia Metropolitane thotë se oficerët e arrestuan Assange në Ambasadë në lidhje me një urdhër britanik të Qershorit 2012 për “dështim për t’u dorëzuar në gjykatë”. Policia tha se ishte ftuar në ambasadë nga ambasadori i Ekuadorit pasi shteti ekuadorian i’a hoqi Julian Assange-it të drejtën e azilit.

Pas arrestimit Assange është përcjellë për në stacionin e policisë londineze ku do të qëndrojë deri sa ti caktohet dita e daljes para trupit gjykues që do të konfirmoj fatin e tij të mëtejshëm.

Kujtojmë se përndjekja ndaj Julian Assange ka nisur pasi në vitin 2010 platforma e themeluar prej tij,”WikiLeaks” publikoi një numër të madh të dhënash ushtarake amerikane, që përben një prej rrjedhjeve më të mëdha të informacionit të klasifikuar në historinë amerikane.

Informacioni përmbante sekrete ushtarake amerikane nga luftërat në Afganistan dhe Irak, vlerësimet e terroristëve të dyshuar të mbajtur nga SHBA në Guantanamo të Kubës dhe 250,000 komunikime kabllore të Departamentit të Shtetit.

Për këtë akt SHBA reagoi ashpër duke e shpallur Assange person shumë të kërkuar dhe, pasi Rusia ia mohoi dhenien e azilit, ishte Ekuadori që ia ofroi atë, pasi Suedia, shtetësinë e të cilës ai mban, ngriti ndaj Julian Assange akuzat për “sulme seksuale”.

Megjithse Suedia, më pas, e anuloi hetimin, Assange mbeti në Ambasadë për shkak të frikës se Britania mund ta ekstradonte atë në Shtetet e Bashkuara në lidhje me publikimin e dokumenteve të klasifikuara të qeverisë amerikane nga “WikiLeaks”.

Gjë që ka shumë mundësi të ndodhë pas arrestimit të tij ditën e sotme dhe mbajtjes nën rregjim policor./CNA.al

Ne foto: Julian Assange, i arrestuar sot nga Policia Metropotitane.