Lulzim Basha braktis revolucionin/ Fillon fushatën?!

1 Prill 2019, 09:39, Aktualitet CNA

Kreu i Partisë Demokratike dhe udhëheqësi i Republikës së Re, Lulzim Basha duket se ka ardhur me një mendje tjetër, pas vizitës së tij të beftë në Gjermani, javën e shkuar.

Ai nuk mori askënd për ta shoqëruar, por ishte i vetëm me bashkëshorten e tij, Aurelën.

Lulzim Basha menjëherë pas kthimit të tij nga Gjermania duket se ka filluar një formë tjetër të fushatës apo një tjetër lojë të tij. Ai ka filluar të përdorë një frymë pozitiviste për të. Këtë e reflektoi në Durrës, kur u entuziasmua nga disa makina me flamuj të PD-së, të cilat kishin dalë ta prisnin.

Kuptohet urdhëri për atë formulë qe dhënë nga Tirana, nga zyra e organizimit, me makina të cilat ishin porositur që të dilnin të prisnin kryetarin në rrugë.

Nga ana tjetër CNA.al ka mësuar se Basha në mënyrë konfidenciale, duke folur me bashkëpunëtorët e tij në degën e Durrësit, ka thënë se tashmë këtë bashki demokratët mund ta fitojnë pasi Edi Rama nuk do të kandidojë Vangjush Dakon dhe kjo për Bashën është e sigurtë.

Një emër tjetër mund të jetë në garën e Durrësit dhe për këtë Basha e shikon si mundësi se mund ta fitojë këtë bashki. Por në lojë janë edhe disa kryebashkiakë të tjerë si në Kamëz, Shkodër dhe Lezhë që kanë filluart fushatën dhe nuk janë pro një bojkoti të zgjedhjeve lokale.

CNA.al solli dje dhe sot disa materiale lidhur me kandidatët e mundshëm të socialistëve të Rilindjes dhe Republikës së re të Bashës, por përtej tyre duket se tashmë Basha ka braktisur revolucionin dhe është futur me një lojë tinzare në zgjedhjet lokale.

Ai pritet vetëm të formalizojë gjithçka zyrtarisht, por së pari pritet të ketë edhe hapa të tjera nga qeveria Rama.

CNA.al ka mësuar se Lulzim Basha po përpiqet që të krijojë një frymë tjetër elektorale, pra përpara protestës së 13 prillit dhe asaj çfarë ka ndodhur deri më tani, ku gjuha ka qenë e ashpër dhe radikale. Lulzim Basha po përpiqet të ketë një frymë tjetër të jetë më pozitiviste, më e qetë, e cila ka dy qëllime: Së pari të rrisë masivitetin e protestës së 13 prillit, së dyti të japë shenjat se PD-ja tashmë ka filluar fushatën elektorale dhe së treti që PD-ja të mos jetë e papërgatiur, në rast se ndërkombëtarët japin një ultimatum për futjen e saj në zgjedhje.

Ajo që po ndodh tashmë është pothuajse e njëjtë me periudhën e çadrës, vetëm se ka një ndryshim. Në 2017 demokratët u ngujuan për rreth 3 muaj në çadër, dhe më pas morën gjysmën e qeverisë. Hynë në zgjedhje dhe i humbën. Ndërsa sot prej gati dy muajsh kanë djegur mandatet e deputetëve, një djegie mandatesh që në fakt më shumë se sa i ka shërbyer kauzës së opozitës, tashmë pasi edhe ujërat janë kthjelluar, duket se i ka shërbyer më shumë thjesht dhe vetëm Lulzim Bashës.

Pasi problemet e fundit që ky kishte me PD-në dhe struktuat e saj, me rënien e vazhdueshme në sondazhe, shkëputjen nga baza, ndarjen e deputetëve me elektoratin, po edhe problematikën e një liste klienteliste, të paaftësh të ndërtuar në 2017, e detyruan Lulzim Bashën që të bënte këtë lëvizje.

Në emër gjoja të zgjedhjeve ai i dogji mandatet, megjithëse nuk ishte para zgjedhjeve parlamentare, por ishte para zgjedhjeve lokale, tashmë po luan si tinzar. Ngre frymë pozitiviste me shpresë se do hyjë në zgjedhje, por gjithçka në funksion të një pazari që pret nga Edi Rama. Revolucioni duket se mbaroi, tani presim pazarin./CNA.al

Zbulohen kandidatët e Bashës për Durrësin/ Largimi Dakos, shton kandidatët e opozitës

Dako drejt tërheqjes/ Zbulohen kandidatët e PS në Durrës