web counter
LEXO PA REKLAMA!

SHKARKO APP

App Store
Google Play

E fundit!

x

Cakaj “zhvesh” konsujt e nderit/ Iu heq targat diplomatike

1 Prill 2019, 08:24, Aktualitet CNA

Ministri në Detyrë për Punët e Jashtme, Gent Cakaj ka njoftuar sot një tjetër reformë në trupën diplomatike.

Në një deklaratë për mediat, Cakaj tha se do t?ju hiqen targat diplomatike të gjithë konsujve të nderit në Shqipëri.

Cakaj deklaroi se, sot 38 konsuj nderi në Shqipëri janë të pajusur me targa diplomatike CD, gjë e cila sipas tij është totalisht në shkelje të ligjit.

Gjithashtu ai theksoi se, ligji e specifikon qartë, se automjetet e konsujve të nderit pajisen me targa kombëtare të zakonshme, por që kanë edhe një shenjë dalluese ovale.

Sipas ministrit Cakaj, pajisja me targa diplomatike 38 konsujve, është një privilegj special, unikal në Europë dhe i pajustifikueshëm, prandaj duhet të marrë fund .

?Në ligjin për trajtimin e konsujve të nderit thuhet se ata duhet të pajisen me targa të zakonshme kombëtare, por që kanë një shenjë dalluese ovale. Por, rezulton se plot 38 konsuj nderi në Shqipëri janë të pajisur me targa diplomatike CD.

Ky privilegj special, unikal në Europë është i pajustifikueshëm dhe prandaj duhet të marrë fund?-tha Cakaj.

Më tej, ministri theksoi se Zyra e Protokollit do të fillojë menjëherë kontaktet dhe konsujt janë të detyruar të dorëzojnë targat diplomatike.

?Zyra e Protokollit do të fillojë menjëherë kontaktet dhe konsujt janë të detyruar të dorëzojnë targat diplomatike.

Ata do të pajisen me targë të zakonshme kombëtare dhe me një shenjë ovale. Ministria e Jashtme në bashkëpunim me Ministrinë e Transporteve do të veprojë me eficensë të plotë për të marrë masat që targat në fjalë të dalin jashtë funksioni. Kjo masë nuk ndërlidhet me emra të veçantë, por vjen nga domosdoshmëria e respektimit të ligjit?./CNA.al





Lajmet e fundit nga