web counter
LEXO PA REKLAMA!

SHKARKO APP

App Store
Google Play

E fundit!

x

Vrasjet në Shkodër/ Lleshaj thirrje qytetarëve

1 Prill 2019, 08:41, Aktualitet CNA

Ministri i Brendshëm, Sandër Lleshaj ka prezantuar prefektin e ri të Shkodrës, Valdrin Pjetri.

Gjatë fjalës së tij, Lleshaj ka folur dhe për situatën e sigurisë në këtë qytet, ku theksoi se Shkodra ka marrë goditje të forta nga krimi.

?Qyteti i Shkodrës është sfiduar disa herë nga krimi. Siguria dhe rendi kanë marrë goditje të forta nga krimi në Shkodër. Ne jemi këtu me angazhimin më të madh për të dhënë sigurinë maksimale qytetarëve?, deklaroi Lleshaj.

“Niveli i sigurisë është sfiduar disa herë. Ato janë produkt i krimit të organizuar në vite. Krimi ka arritur të lëshojë rrënjë në Shkodër. Me gjithë goditjet e mëdha sërish ngelet një sfidë shumë e madhe”, tha ndër të tjera ministri.

Lleshaj shprehu besimin tek drejtori i ri i Policisë së Shkodrës, Niko Brahimaj. Ky i fundit, me një karrierë të gjatë në policinë e shtetit, mori detyrën kur kaluan pak orë nga atentati i rëndë, pas urdhrit të Lleshajt për të shkarkuar drejtorin Vehbi Bushatin.

“Besoj që me drejtorin e ri dhe përforcimet që do të vijnë do të arrijnë të godasin fort krimin”, tha ministri Lleshaj.

Më tej, ai iu bëri thirrje qytetarëve për të bashkëpunuar me forcat e rendit.

?Ftoj qytetarët që të bashkëpunojnë me policinë për të goditur krimin e organizuar?, tha Lleshaj./CNA.al





Lajmet e fundit nga