web counter
LEXO PA REKLAMA!

SHKARKO APP

App Store
Google Play

Hetimi për lobimin e Bashës në SHBA/ Nano: Duhet të marrim vesh nga kanë dalë këto 650 mijë dollarë

26 Mars 2019, 20:42, Aktualitet CNA

Në monologun e emisionit të tij, Nano u shpreh se duhet të hetohet që të dalë ku kanë shkuar këto 650 mijë dollarë të përdorura për lobim, ndërsa ka ngritur një pyetje: Pse duhet të ttirrej Lulzim Basha i pari?

?Prokuroria ka thirrur Lulzim Bashën për disa pagesa të çuditshme të bëra gjatë zgjedhjeve të fundit, të cilat nuk figurojnë në listën e shpenzimeve të bëra gjatë fushatës nga kjo parti. Bëhet fjalë për 650 mijë dollarë të përdorura për lobim. Dhe prokuroria ka bërë shumë mirë që e ka thirrur Bashën. Kjo punë duhet sqaruar dhe hetuar. Ne duhet të marrim vesh se nga kanë dalë këto 650 mijë dollarë, në dorën e kujt kanë shkuar, dhe për ç?qëllim i janë dhënë atij që i janë dhënë. Prandaj, përsëris, bravo prokuroria. Ju lumtë! Mirëpo, një pyetje lind: Bashën gjetën këta për të thirrur të parin?

Në rrethanat që ca njerëz të tjerë mbajnë prej 6 vitesh nën kontroll qesen e parave publike dhe i kanë shpenzuar këto para në mënyrën më abuzive të mundshme, pritej nga prokurorët të thërrisnin një prej ministrave të qeverisë, apo vetë kryeministrin. Dhe në këtë rast fjalën ?abuzive? nuk është se e lëshoj kuturu. Jo, abuzimi është i provuar.

Më i fundit është ai i investimit te Unaza e Re, ku abuzimi doli sheshit. Dhe nuk është ndaluar askush nga prokuroria. Madje, as që kemi ndonjë informacion se çfarë bëhet me hetimin e kësaj bëme korruptive spektakolare?, është shprehur Muç Nano.





Lajmet e fundit nga