web counter
LEXO PA REKLAMA!

SHKARKO APP

App Store
Google Play

Sfidon ish-ministri i Brendshëm/ Tahiri: Jam prapë ministër kampion

26 Mars 2019, 18:14, Aktualitet CNA

Ish-ministri i Brendshëm Saimir Tahiri po hetohet nga Prokuroria në lidhje me akuzat ?Trafikim të lëndëve narkotike? në kuadër të grupit të strukturuar kriminal ?Habilaj? dhe ?Korrupsionit pasiv të funksionarëve të lartë shtetërorë?.

Ditën e sotme për më shumë se 8 orë Tahiri ka qëndruar në Prokurori, ndërsa më pas ka dhënë një deklaratë zyrtare dhe iu është përgjigjur pyetjeve të gazetarëve.

I pyetur nga gazetarja Klodiana Lala nëse ndihet i bërë kurban, ai tha se nuk e ndien diçka të tillë, ndërkohë që theksoi se mbetet ministri kampion.

Lala: A ndiheni i bërë kurban për hallet e politikës?

Tahiri: Nuk e ndiej veten asgjë nga këto që thatë. Di vetëm të them që drejtësia iu ka shumë borxhe njerëzve. Di të them që në këtë vend në 25 vjet kanë qeverisur njerëz që kanë vjedhur dhe kanë vrarë. Unë nuk kam vjedhur kërrkënd. Nuk ka një qytetar që të thotë më ke futur dorën në xhep. Nuk kam vrarë kërrkënd, çdo kusur që po përjetoj tani, do ia dal deri në fund dhe sigurisht që as më shqetëson shumë. Pastaj komentet nëse jam unë kurbani apo jo, kjo nuk është dhe aq e kollajtë të jem unë, kështu që nuk më shqetëson.

Lala: A keni pengje për mënyrën se si keni vepruar si ministër i brendshëm për 4 vite? Sepse nga një ministër kampion jeni një i pandehur zyrtar?

Tahiri: Ky s?mund të jetë momenti kur unë të rrëfej jetën time. Jo unë jam prapë ministër kampion të jesh e bindur. Atë që kam bërë për policinë e shtetit nuk i kthehem kurrë mbrapa. /CNA.al





Lajmet e fundit nga