E fundit!

12:34 Aktualitet

Kërkesa e protestuesve për kufizimin e mandatit të kryeministrit/ Berisha: PD e gatshme ta votojë

Kreu i PD-së, Sali Berisha, deklaroi se Partia Demokratike...

Skandali me financimet ofshore/ Basha ia mbath nga Shqipëria

26 Mars 2019, 15:08, Aktualitet CNA

Kryetari i Republikës së Re Lulzim Basha, ka marrë sërish arratinë. Pasi i plasi serish në duar skandali i financimeve ruse në ofshore, Basha ia ka mbathur nga Shqipëria.

Sot në mesditë është parë në Rinas i shoqëruar nga bashkëshortja duke u nisur drejt Vjenes. Nuk dihet destinacioni final është Hollanda apo ndonjë vend tjetër, por ajo që dihet me siguri është se Basha është larguar një ditë pasi Prokuroria e lajmëroi se do të “fundoste”.

Brenda dhjetë ditëve, rezulton se Basha ka qëndruar vetëm tre ditë në Shqipëri. Ndërkohë që hiqet i shqetësuar për qytetarët, duket se shqetësimi i tij i vërtetë, janë lobimet në ofshore dhe prokuroria.

Kthimi i Bashes pritet te jete i shpejte. Ai me shume mundesi do drejtoje protesten e se enjtes.

Paraditen e të hënës, Prokuroria e Tiranës zbardhi detaje nga dy letërporositë, e ardhura nga SHBA dhe Britania e Madhe.

Sipas prokurorisë, nga hetimi kanë rezultuar dyshime të arsyeshme të bazuara në prova se ka një diferencë thelbësore mes deklarimeve të bëra zyrtare për shpenzimet e bëra nga subjekti PD, dhe shpenzimeve reale që PD ka bërë.

“Ky subjekt ka deklaruar vetëm shumën prej 25 000 dollarësh, dhe nuk ka bërë deklarime për shumën prej 650 000 dollarësh”, thuhet në njoftimin e Prokurorisë.

Por, CNA.al sipas dokumenteve ekskluzive që ka siguruar, ka vërtetuar se shuma e paguar nga Lulzim Basha rezulton të jetë edhe më e madhe sesa ajo që deklaron prokuroria.

Sipas dokumentit zyrtar siguruar nga CNA.al në Departamentin e Drejtësisë në SHBA, sipas deklarimeve të bëra nga Kompania Lobiste Muzin Capitol LLC, regjistruar në 14.11.2017 rezulton se: Kompania ruse Biniatt Trade LP (Kompania Ruse offshore lexo ketu) do ti paguante STONINGTONE STRATEGIES sipas marrëveshjes ka 4 shuma.

Shuma totale prej 950 mijë usd është deklaruar në Departamentin e Drejtësisë në SHBA nga kompania Lobistë MUZIN së bashku me kontratën e plotë dhe dokumentin e mëposhtëm që sqaron çdo detaj të pagesave./CNA.al

MEGA-SKANDALI dhe dokumenti/ Lulzim Basha pagoi 950 mijë usd nga kompania Ruse offshore, prokuroria uli shifrën

Video që fundos Bashën/ S?ka donatorë, por offshorë rus