web counter
LEXO PA REKLAMA!

SHKARKO APP

App Store
Google Play

Grabitën blindat me miliona euro/ Jepet vendimi për tetë të arrestuarit

26 Mars 2019, 13:09, Aktualitet CNA

Gjykata e Krimeve të Rënda ka dhënë masën e sigurisë për bandën me 8 të arrestuar, që akuzohen për tre grabitjet e bujshme në Rinas dhe tek Stacioni i Trenit.

Të arrestuarit janë dënuar me 107 vite burg në total.

Vjedhjet e kryera nga kjo bandë grabitësish kapin vlerën e miliona eurove.

Sipas Gjykatës së Krimeve të Rënda, Dash Kupa dënohet me 18 vite, Ernest Kupa 17.4 vite, Neim Avdylaj 17.4 vite, Ditjon Memlikaj 8.6 vite, Admir Çerpja 5.8 vite, Fatjon Xhyliu 14 vite, Dritan Sinani 13.4 vite dhe Aleksandër Murataj 12.8 vite.

Episodet e grabitjeve:

1. Më datë 12.02.2015 kur ishte vjedhur dega e Bankes … ku sasia e parave të vjedhura ishte në masën 900 000 Franga Zvicerane, 800 000 Paund Britanik dhe 16.100 Euro, e paketuar në katër qese, vjedhje e ndodhur në zonën e Stacionit të Trenit Tiranë nga persona të armatosur;

2. Më datë 03.12.2015 kur ishte vjedhja Banka …. sasia e parave prej 1 800 000 Paund Britanik, 800 000 Dollarë Amerikanë, 200 000 Dollarë Kanadezë dhe 200 000 Dollarë Australianë, vjedhje e ndodhur në kohën kur paratë transportoheshin me mjete të blinduara në drejtim të Rinasit, poshtë Qafë Kasharit, Tiranë nga persona të armatosur.

3. Më datë 09.02.2017 kur ishte vjedhur Banka … ku sasia e parave të vjedhura ishte në masën 2 400 000 (dy milion e katërqind mijë) Euro, 200 000 Dollarë Amerikanë, 260 000 Paund Britanik, 85 000 Franga Zviceranë, 30 000 Dollarë Australianë dhe 30 000 Dollarë Kanadezë, e paketuar në tetë thasë, vjedhje e ndodhur kur paratë po transportoheshin gjatë rrugës për në Rinas në vendin pranë fshatit Domje, Tiranë nga persona të armatosur.





Lajmet e fundit nga