web counter
LEXO PA REKLAMA!

SHKARKO APP

App Store
Google Play

Dosja Habilaj kalon në gjykim/ Tahiri: Tani do të flas

26 Mars 2019, 17:02, Aktualitet CNA

Gjatë ditës së sotme ish-ministri i Brendshëm, Saimir Tahiri, ka qëndruar për rreth 8 orë në ambientet e Prokurorisë, ku po hetohet çështja e tij.

Në një prononcim për mediat, Tahiri iu është përgjigjur pyetjeve të gazetarëve.

I pyetur në lidhje me gjykimin dhe seancat e vazhdueshme, ish-ministri tha se do të kërkonte gjykim të shkurtuar, pavarësisht se nuk është pranuar nga gjykata. Në lidhje me çështjen Habilaj, ai tha se do të flasë së shpejti.

?Ky është një shans për mua për të treguar. Nuk dua të merrem me llojet e seancës me llojin e akuzës, jam rezervuar gjithmonë që të komentoj në këtë rast drejtësinë, nuk do ta bëj edhe tani në respekt të  një sistemi që kam kontribuar edhe unë deri diku.

Unë kërkova që gjykimi mos të jetë një histori zvarritje e pafund, prokuroria pretendon atë që pret. Unë pretendoj më shumë se prokuroria.

Do i lutesha edhe juve që të bëni kujdes kur të thoni dhe saktësoni, unë do vazhdoj që të them deri në fund që unë nuk kam pikë lidhje me këtë çështje. Atë që prokuroria mendojnë se vendimi i Italisë që thotë se unë s?kam lidhje, këtu mendojnë ndryshe.

Nuk jam ndonjë hero i heshtur, por di të them që realisht më vjen keq për njerëzit që vuajnë nga ky sistem drejtësie dhe nuk flasin dot përpara jush. Unë i kërkova prokurorisë të bëjë një akuzë të saktë dhe të qartë.  Prokuroria duhet të tregonte cilin veprim kam bërë unë që kam shkelur ligjin. Prokuroria nuk u përgjigj.  Sot dhe tutje do të flas edhe unë. Në Gjykatë dhe për publikun.

Nuk mund të jetë më një proces ku provat e ashtuquajtura trafikohen? Unë di t?ju them që ky proces i ka kapërcyer kufijtë e një maskarade.  Unë nuk mërzitem dhe nuk më shqetëson asgjë nga këto. Them që do t?ia dal!?, -tha Tahiri. /CNA.al

 





Lajmet e fundit nga