E fundit!

08:09 Kronika

E rëndë në Maliq/ Një person vret efektivin e policisë, plagos 1 tjetër

Një ngjarje e rëndë është shënuar këtë të enjte në Maliq, ...

Nga Mero Baze/Lobistët duan paratë, jo Bashën në pushtet

26 Mars 2019, 20:22, Aktualitet CNA

Përtej zhurmës për papërgjegjshmërinë ligjore të Lulzim Bashës, në mënyrën si ka paguar lobistët e tij në SHBA, në vitin 2017, ka një detaj të rëndësishëm, që po shmanget nga debati. Sipas deklarimeve të bëra nga kompanitë e lobimit ?Muzin Capitol LLC? dhe ?Biniatt Trade LP? në Departamentin e Drejtësisë në SHBA, rezulton se totali i kontraktuar nga Partia Demokratike e Lulzim Bashës, është në shumën e 1.125.000 dollarëve.

Pyetja më normale që shtrohet, është përse kryetari i Partisë Demokratike, duhet të shpenzojë 1,125 milionë dollarë në një fushatë elektorale në SHBA, dhe vetëm 300 mijë dollarë në Shqipëri?

Partia Demokratike është një parti e madhe dhe me peshë në skenën politike shqiptare, e cila ka elektoratin e vet, historinë e vet, dhe frymëne saj pro-perëndimore si parti.

Ajo që ka pasur nevojë urgjente kjo parti pas vitit 2013, ka qenë përtëritja e saj, reformimi i saj, largimi nga Sali Berisha dhe ministrat që u ndëshkuan si simbol i korrupsionit. Ajo nuk pati ndonjë problem me Perëndimin apo SHBA. Edhe gjatë opozitës, përjashto ngërçin për reformën në drejtësi, i cili gjithsesi quhej i tejkaluar, pasi u detyruan të votojnë të gjithë, nuk ka patur krizë tjetër. Dhe ajo ishte më shumë krizë e SHBA me Sali Berishën.

Atëhere, përse kryetari i kësaj partie, duhet të llogariste të paguante mbi 1 milion dollarë tek lobistët e vet në SHBA, për të ?mirën? e PD?

Pyetja nuk ka përgjigje.

Partia Demokratike në zgjedhjet e vitit 2017, ishte e avantazhuar, se ishte pjesë e qeverisë, kishte 6 ministritë kryesore dhe zëvendëskryeministrin, ndërkohë që drejtonte dhe agjensitë kryesore shtetërore në vend.

Ajo kishte detyruar kryeministrin të bënte marrëveshje politike pas hezitimit për të hyrë në zgjedhje, edhe pse Perëndimi i dha të drejtë qeverisë, të hynte dhe e vetme në zgjedhje.

Shpenzimet dispropocionale në raport gati katër herë më shumë në SHBA, se sa në Shqipëri, për një fushatë elektorale, duket se flasin më shumë për një hall personal të kryetarit të parties, se sa për një nevojë reale të Partisë Demokratike.

Nga ana tjetër, ky detaj tregon se si funksionon Partia Demokratike.

Që të lidhësh kontrata pagesash për mbi 1 milion dollarë me vullnetin personal të kryetarit të partisë, pa pyetur Kryesinë e Partisë, pa zbatuar statutin e PD, për mënyrën se si planifikohen shpenzimet e parave, do të thotë ta përdorësh partinë, si një instrument financiar privat.

Por nga ana tjetër, kontraktimi i mbi 1 milion dollarëve, nxjerr zbuluar dhe fuqinë paguese reale të PD, pasi ajo merr katër herë më pak lekë nga qeveria në vit, dhe se nuk ka asnjë dokument tjetër, përveç gënjeshtrave të Lulzim Bashës, se ku mund t?i gjente mbi 1 milion dollarë.

Pra në gjithë këtë histori kemi së pari një përdorim personal të arkës së PD, pa pyetur asnjë ligj apo rregull të brendshëm të një institucioni publik, kemi një vendim shumë personal, që këto pars të harxhohen jo për të mirën e PD, por për interesa privat të kryetarit të saj, dhe mbi të gjitha, kemi një hall të madh përse paguhen kaq shumë para në SHBA për llogari të PD.

PD nuk është as ISIS, as ndonjë organizatë terroriste, që duhet të paguajë miliona dollarë për të rregulluar imazhin në SHBA.

Ambasada e SHBA në Tiranë ka qenë gjithnjë pranë PD dhe një urë kontakti zyrtar me Uashingtonin, nëse ata do të dëshironin të kishin akses për idetë e tyre atje.

Askush nuk e ka penguar Lulzim Bashën, as nga Ambasda e SHBA, as ndonjë zyrtar amerikan, që të shkojë e të takohet në Uashington me administratën amerikane dhe të shpalosë pikëpamjet e tij.

Fakti që ai i ikën linjës zyrtare amerikane, fakti që ai paguan dhe kundër emërimit të ambasadores së re, pasi ka bërë njëqind letra kundër çdo ambasadori amerikan në Shqipëri, dhe mbi të gjitha, fakti që është detyruar të futet në kanale ruse pagesash, tregon se ky njeri nuk di të sillet si kryetar i një partie legale pro-perëndimore në Shqipëri, por si kryetar i një sekti ilegal, që do të bleje mbështetje private në Uashington, tek disa ustallarë që dinë ta masin mirë kokën në këto raste.

Dhe më i rëndë është fakti, që ky ka vendosur të harxhojë mbi 1 milon dollarë në vit në Uashington, për të blerë ?mbështetje?, se sa fakti që këto pagesa i ka bërë në mënyrë të paligjshme.

Kur llogarit të paguash kaq shumë, natyrisht nuk ka më para legale. Ato janë katër herë më pak se ato që merr zyrtarisht. Dhe në këtë rast, mjafton të ndjekësh paranë, për të kuptuar hallin kryesor të Lulzim Bashës.

Ai nuk e llogaritë fare faktin që për të duhet të votojnë shqiptarët dhe betejën duhet ta bëjë këtu.

Meqë në jetë çdo gjë e ka blerë, dhe ky fakt tregon se ai e di që pushteti blihet në ca zyra okulte lobistësh, që të vetmin hall kanë si do t?i marrin ata paratë. Jo si do të marrë pushtetin Basha!