web counter
LEXO PA REKLAMA!

SHKARKO APP

App Store
Google Play

E fundit!

x

Banorët e Astrit protestojnë përballë Policisë/ Mes të arrestuarve edhe një 15 vjeçar

26 Mars 2019, 21:14, Aktualitet CNA

Banorët e Astirit kanë zhvilluar protestë edhe ditën e sotme. Në mbyllje të protestës policia ka shoqëruar 7 prej banorëve, mes tyre edhe një 15 vjeçar.

Banorët kanë zhvendosur protestën pranë Drejtorisë së Policisë në Tiranë.

Në një prononcim për RTV Ora, ata thanë se ky është presion i qeverisë për të mbyllur protestën, por shprehen të vendosur për të mos bërë pas deri në anulimin e projektit që prek banesat e ttyre.

Lutfi Kastrati: Ka 3-4 ditë që policia e pushtetit tenton të bllokojë protestën e Unazës së Re. Ndryshimet dje në komisariatin numër 6 kanë sjellë bllokimin e protestës, policia nuk bën më bllokimin e mjeteve. Shefat e krimeve të gjithë komisariateve kanë ardhur në Unazë të Re. Protesta ishte paqësore, jemi provokuar dje nga policia. Sot ishte paqësore.

Është ndaluar makina e Altinit me 7 persona brenda pa asnjë arsye.Kjo është e qëllimshme për tu bërë presion banorëve të Unazës së Re. Tentojnë ta shuajnë këtë protestë, protesta nuk do të shuhet derisa ky projekt të anulohet.

Është një 15 vjeçar që mbahen në mënyrë të kundraligjshme pa bërë asgjë, ky është krim shtetëror. Kanë marrë urdhrin të mbyllin këtë protestë por nuk do ta arrijnë kurrë. Nesër do të shihni reagimet e banorëve të Unazës së Re.E kanë mbushur vendin me civila dhe spiunë, bëjnë video dhe foto dhe kërkojnë të na frikësojnë.

Kërkojmë lirimin e menjëhershëm të të ndaluarve.Ose të vinë dhe të na marrin të gjithë ne banorëve të Unazës së Re ose të lirojnë të ndaluarit atje. Ka hyrë avokati brenda dhe presim informacion.

 

 

 





Lajmet e fundit nga