web counter
LEXO PA REKLAMA!

SHKARKO APP

App Store
Google Play

E fundit!

x

Kush do ta zgjidh krizën politike?/Moisiu: Presidenti të luaj rolin që i ngarkon Kushtetuta!

26 Mars 2019, 20:54, Aktualitet CNA

Ish presidenti i Republikës, Alfred Moisiu, tha në emisionin ?Përballë? të gazetarit Lutfi Dervishi se zgjidhjen e krizës politike nuk duhet ta presim nga ndërkombëtarët.

? Unë gjithmonë kam qenë dhe mbetem i mendimit që krizën duhet ta zgjidhim vetë. Siç bën çdo vend xhanëm. Ku kemi parë në Europë, flas për Europën Perëndimore, që të bëhet krizë dhe të vijnë të tjerët ta zgjidhin?, – u shpreh Moisiu.

Ish Presidenti u shpreh se angazhimi i Kryetarit të Shtetit për zgjidhen e situatës politike është një detyrim që atij ia ngarkon Kushtetuta.

?Kushtetuta e obligon kryetarin e shtetit se është përfaqësues i unitetit të popullit. Pra derisa je i ngarkuar me detyrën dhe ke pranuar ta marrësh përsipër këtë detyrë, duhet edhe ta kryesh atë. Nuk e kam zakon as të kritikoj as të mësoj qoftë paraardhësit apo pasardhësit e mi, sepse ai që është atje, ai e ka barrën në kurriz dhe ai e di çfarë peshe ka thesi që ka në kurriz. Ne nga jashtë e shohim, por nuk dimë sa është pesha e tij. Gjykoj se Presidenti duhet të bëj çmos për ta zgjidhur krizën, ndryshe nuk po kryen detyrën e tij kushtetuese. Sigurisht duhet bërë kujdes, sepse njeriu ka edhe emocione?, – tha ish presidenti Moisiu në “Përballë”.





Lajmet e fundit nga