web counter
LEXO PA REKLAMA!

SHKARKO APP

App Store
Google Play

LSI do të marrë pjesë në zgjedhje/ Kryemadhi nis fushatën?

19 Mars 2019, 11:31, Aktualitet CNA

Kryetarja e LSI-së Monika Kryemadhi është zhvendosur sot në Shkodër. Pavarësisht se opozita ka thënë se nuk do të marrin pjesë në zgjedhjet lokale, fushatën e kanë nisur.

PD, LSI dhe aleatët e tjerë opozitare kanë refuzuar  kërkesën e KQZ, me mosdërgimin e listave të kandidatëve për KZAZ-të.

Kryetarja e LSI-së Monika Kryemadhi,  në fushatën e heshtur elektorale që po zhvillon nuk e ka ndalur sulmin ndaj Qeverisë.

Sipas saj, Qeveria ka krijuar destabilitet në vend duke u përpjekur të ruajë stabilitetin e krimit të organizuar.

“Sot ne ndihemi të zemëruar, të mërzitur dhe të revoltuar për mënyrën se si qeveria drejton popullin e saj. Vetëm në tre vitet e fundi t më shumë se 400 mijë shqiptarë janë larguar nga vendi dhe nuk duan të kthehen.

Kjo është fatkeqësia më e madhe që ne kemi. ne duhet ta kthejnë Shqipërinë në shtëpinë e shqiptarëve.

Mund të flasim pafundësisht dhe hallet dhe problemet e shqiptarëve nuk kanë të mbarura. Ka ardhur koha të destablizojmë krimin e organizuar. Edhe në kohën e Enver Hoxhës shqiptarët ishin në diktaturë për hir të stablitetit të rajonit”, ka thënë Kryemadhi në Shkodër.

Më tej Kryemadhi është ndalur, tek ekonomia dhe varfëria e qytetarëve.

“Do doja që të flisnim për hallet e grave shiptare sepse xhepi i tyre varfërohet. Në pesë gjashtë vitet e fundit pagat nuk janë rritur por përkundrazi janë zhvlerësuar. Ka ardhur koha që shqiptarët të marrin fatet e tyre në dorë. Ne jemi të qartë në rrugën tonë dhe jemi të vendosur. Çdo ditë që takohem me qytetarë na thonë bravo ju qoftë”, është shprehur më tej Kryemadhi.

Sërish, kryetarja e LSI -së, ka nxituar të japë arsyet për djegin e mandateve.

“Është një veprim ekstrem por kapja e shtetit na detyroi. LSI di t’i mbajë njerëzit. Ne i japim shansin njerëzve për të krijuar identitetin e tyre.  Në rrugën tonë na ndriçon zoti. Ne besojmë tek familja dhe te Zoti. Zoti e bekoftë Shqipërinë”,  ka thënë ndër të tjera Kryemadhi./CNA.al

 





Lajmet e fundit nga