web counter
LEXO PA REKLAMA!

SHKARKO APP

App Store
Google Play

E fundit!

x

Protestat e opozitës/ Emri Vata: Policia sjellje jo të ligjshme

18 Mars 2019, 12:34, Aktualitet CNA

Ish-drejtori i policisë Emri Vata, ndërsa ka komentuar protetstat e opozitës, është shprehur se në dy protestat e fundit janë vënë re disa tendenca dhe sjellje jo të ligjshme të policisë ndaj qytetarëve të pambrojtur.

Gjatë një interviste në emisionin ?KafeIN?, Vata ka argumentuar se ndryshe nga vendet e tjera, në Shqipëri protestat nuk udhëhiqen nga sindikatat ndaj ato nuk ngjasojnë me protestat që zhvillohen jashtë.

?Gazi lotsjellës është gjëja e fundit që duhet të përdoret nga policia. Në momentin që protestuesit mbërritën te Kuvendi, forcat e policisë ishin shumë pak në raport me turmën.
Nëse do hynin në Kuvend, ata mund ta bënin por kur erdhën forcat speciale turma u provokua dhe turma del shpejt jashtë kontrollit, pavarësisht se kjo nuk ndodhi.
Edhe kundërveprimi ndaj demonstruesve duhet të jetë në propocion të drejtë.
Ne kemi kaluar protesta të dhunshme gjatë karrierës sonë në polici. Ka disa etapa sipas sjelljes së protestuesve. Nëse ka shtyrje, veprojmë me shtyrje. Nëse qëllohet me gurë, ka skafandra që mbrohet policia?, tha ish-drejtori i policisë.

Më tej, ai ka hedhur akuza dhe në drejtim të ministrisë së Brendshme, që sipas tij po kërkohet të futen forca ushtarake në drejtimin e policisë.
?Forcat ushtarake mbrojnë kufijtë, policia për të prodhuar siguri brenda territorit. Ndryshimet ligjore për njehsimin e gradave ushtarake në polici e vërtetojnë këtë.
Kjo bëhet për të zbatuar urdhra, qoftë dhe me shkelje ligji. Një polic nuk e zbaton urdhrin e paligjshëm, kurse një ushtarak e bën pa mëdyshje?, u shpreh ish-drejtori i policisë./CNA.al





Lajmet e fundit nga