web counter
LEXO PA REKLAMA!

SHKARKO APP

App Store
Google Play

"Aftësi minimale profesionale"/ Prokurori Besnik Muçi drejt shkarkimit?

18 Mars 2019, 10:54, Aktualitet CNA

Prokurori Besnik Muçi vitin që shkoi kaloi Vettingun, dhe pse u konstatuan një sërë problemesh.

Muçi u vlerësua me ?nivel minimal? kualifikimi në kriterin profesional, ndërsa iu gjetën të meta proceduriale në dosjet që kishte hetuar.

Gjithashtu KPK ka konstatuar se ka kontradikta në lidhje me një shtesë në shtëpinë e banimit në Tiranë, për kohën kur është kryer kjo ndërhyrje.

Po në kundërshtim me ligjin është konstatuar se ka përfituar një pronë në Çërravë dhe është deklaruar gabimisht ndër vite.

Sipas KPK-së, prokurori Besnik Muçi nuk kishte deklaruar një kontratë blerjeje trualli, të firmosur nga bashkëshortja dhe nuk ka paguar tatimet për një kontratë qiraje të deklaruar nga ai.

Ndër të tjera gjatë procesit të Vettingut në KPK, u nënvizuan edhe probleme që lidhen me aftësitë profesionale të prokurorit Muçi.

Në vitin 2014, ky prokuror kishte vendosur mos-fillimin e hetimit pasuror për shtetasin K.N., i cili është hetuar nga Prokuroria e Krimeve të Rënda për trafik droge.

Edhe në vitin 2016, Muçi kishte pushuar një procedim penal për gjobë-vënie, të regjistruar sipas informacioneve të Policisë së Shtetit.

Në hetimet që përfshinin disa persona të akuzuar për vrasjen e një biznesmeni dhe më pas zhvatjen me forcë të tre apartamenteve nga e veja e këtij të fundit, ishin kosntatuar probleme.

Në raportin e Prokurorisë së Përgjitshme, dërguar KPK, -së, saktësohej se në këtë hetim kishte mangësi.

?Baza ligjore nuk është plotësisht e saktë.  Dokumentacioni në dosjen e vëzhguar ka disa të meta. Mungojnë aktet procedurale për administrimin e kontratave dhe të dhënave nga sistemi TIMS. Mungon data në relacionin përfundimtar të oficerit të Policisë Gjyqësore. Nuk ka arsyetim mbi dispozitën ligjore të Kodit Penal në raport me të dhënat?, thuhet në raportin në fjalë.

Komisioneri Publik kërkon “kokën e Muçit”

Pas vendimit të KPK, Komisioneri Publik, ushtroi ankim në Kolegjin e Posaçëm të Apelimit pranë Gjykatës Kushtetuese, kundër vendimit nr. 58, datë 1.8.2018, të Komisionit të Pavarur të Kualifikimit, për subjektin e rivlerësimit z. Besnik Muçi, Prokuror në Prokurorinë e Gjykatës së Shkallës Parë për Krime të Rënda, Tiranë.

Shkaqet përcaktuese për të cilat Komisioneri Publik çmon se ky vendim i Komisionit nuk është i drejtë, qëndrojnë në vlerësimin se subjekti i rivlerësimit dhe personat e lidhur me të nuk arrijnë të justifikojnë bindshëm burimin e ligjshëm të të ardhurave dhe pasurive, referuar nenit D/3, të aneksit të Kushtetutës dhe nenit 30, të ligjit nr. 84/2016.

Sipas KP, subjekti i rivlerësimit nuk justifikon burimet financiare të shpenzimeve dhe kursimeve për vitet: 2003, 2004 dhe 2005, si dhe gjendet në kushtet e mosdeklarimit të pasurisë dhe deklarimit të pamjaftueshëm të saj, referuar nenit D, pika 1 dhe 5, të aneksit të Kushtetutës dhe nenit 61/3, të ligjit nr. 84/2016.

Komisioneri Publik, në zbatim të kompetencave të njohura nga neni C dhe F, i aneksit të Kushtetutës dhe në referencë të neneve: D dhe F, të aneksit të Kushtetutës, neneve 30-34 dhe nenit 61/3, të ligjit nr. 84/2016, i ka kërkuar Kolegjit të Posaçëm të Apelimit që, në përfundim të gjykimit të çështjes në seancë publike, të vendosë ndryshimin e vendimit nr. 58, datë 1.8.2018, të Komisionit të Pavarur të Kualifikimit dhe të shkarkojë nga detyra subjektin e rivlerësimit, z. Besnik Muçi.

Tashmë pritet që KPA, të caktojë seancën për rastin e prokurorit Muçi.

Më poshtë po sjellim dhe pasurinë e tij të deklaruar ndër vite, sipas të dhënave që CNA.al, ka marrë pranë ILDKPKI-së dhe sipas Open Spending Albania./CNA.al

Deklarimi i pasurisë ndër vite

Viti 2004

Paga vjetore-772 608 lekë

Viti 2005

Kursime 200 000 lekë

Të ardhura nga paga si prokuror, 805 398 lekë

Detyrim i lindur nga pagimi i qirasë së banesës 200 000 lekë.

Viti 2006

Shtëpi banimi, sipërfaqja 57 metër katror, me vlerë 1 900 000 lekë.

Tokë-truall 400 metër katror në Pogradec, marrë nga shteti.

Tokë-bujqësore 2000 metër katror, marrë sipas ligjit 7501, Pogradec.

Të ardhura nga paga si prokuror, 826 967 lekë.

Të ardhura nga puna e bashkëshortes si mësuese në Institutin e nxënësve që nuk shikojnë 78 000 lekë.

Detyrim i lindur nga marrja hua për blerjen e shtëpisë, 3 000 euro, 6 000 euro dhe 500 000 lekë.

Viti 2007

Shtëpi banimi, sipërfaqja 57 metër katror, me vlerë 1 900 000 lekë.

Tokë-truall 400 metër katror në Pogradec, marrë nga shteti.

Tokë-bujqësore 2000 metër katror, marrë sipas ligjit 7501, Pogradec

Të ardhura nga paga si prokuror, 831 176 lekë.

Të ardhura nga puna e bashkëshortes si mësuese në Institutin e nxënësve që nuk shikojnë 200 000 lekë.

Detyrim i lindur nga marrja hua për blerjen e shtëpisë, 3 000 euro, 6 000 euro.

Viti 2008

Fillim shtesë në pallat 25 metër katror në proces legalizimi me vlerë 300 000 lekë.

Të ardhura nga paga si Drejtor K.K Financiar në Policinë e Shtetit, në vlerë 680 000 lekë.

Paga si prokuror pranë Krimeve të Rënda në shumën 417 000 lekë.

Të ardhura si pedagog i jashtëm në Universitetin Kristal në shumën 340 000 lekë,

Të ardhura nga puna e bashkëshortes si mësuese 310 000 lekë.

Detyrim i lindur nga marrja hua për blerjen e shtëpisë, 5 000 euro.

Viti 2009

Shtesë në pallat 25 metër katror në proces legalizimi me vlerë 300 000 lekë.

Blerje automjeti 680 000 lekë.

Kursim në shtëpi, 300 000 lekë.

Paga si prokuror në shumën 1 426 031 lekë.

Të ardhura si pedagog i jashtëm në Universitetin Kristal në shumën 492 840 lekë,

Të ardhura nga puna e bashkëshortes si mësuese 410 000 lekë.

Viti 2010

Riparim dhe mbilim shtëpie, 277 000 lekë.

Kursime në shtëpi,900 000 lekë.

Paga si prokuror, 1 394 000 lekë.

Të ardhura si pedagog i jashtëm në Universitetin Kristal në shumën 188 000 lekë.

Të ardhura nga honoraret si pedagog i jashtëm në një universitet privat, 80 000 lekë.

Të ardhura nga puna e bashkëshortes si mësuese,415 000 lekë.

Viti 2011

Riparim dhe mobilim shtëpie, 105 000 lekë.

Kursime në shtëpi, 950 000 lekë.

Paga si prokuror 1 406 000 lekë.

Të ardhura si pedagog i jashtëm në Universitetin Kristal në shumën 195 000 lekë.

Të ardhura nga puna e bashkëshortes si mësuese 444 000 lekë.

Viti 2012

Blerje  toke bujqësore në Shkozë, 111 600 lekë.

Kursime, 800 000 lekë.

Paga si prokuror 1 490 328 lekë

Të ardhura nga puna e bashkëshortes si mësuese, 434, 189 lekë.

Viti 2013

Depozitë me afat një vjeçar, në shumën 9949 euro.

Paga si prokuror 1 460 435 lekë.

Të ardhura si pedagog i jashtëm në Universitetin Kristal në shumën 213 927 lekë.

Të ardhura nga puna e bashkëshortes si mësuese 452 629 lekë.

Viti 2014

Depozitë bankare në shumën, 10 000 euro.

Tokë arë me sipërfaqe 2 000 metër katrorë, në vlerën 850 000 lekë.

Paga si prokuror, 1 620 943 lekë.

Të ardhura si ekspert i magjistraturës, në shumën 118 800 lekë.

Të ardhura nga puna e bashkëshortes si mësuese,472 787 lekë.

Të ardhura nga shitja e makinës, 2 500 euro.

Viti 2015

Kursime në shtëpi, 500 000 lekë.

Paga si prokuror, 1 600 387 lekë.

Të ardhura si ekspert i magjistraturës, në shumën 35 000 lekë.

Të ardhura nga puna e bashkëshortes si mësuese, 513 880 lekë.

Të ardhura nga prona në Pogradec, në shumën 37 000 lekë.

Viti 2016

Ka blerë një apartament me sipërfaqe 78 m2, me vlerë 75 mijë euro.

Si burim kandidati deklaron kursime nga të ardhurat e tij dhe të bashkëshortes, hua dhe kredi.

Muçi ka blerë një makinë me vlerë 6 200 euro, me kursime nga të ardhurat.

Prokuror i Krimeve të Rënda apo biznesmen?/ Besnik Muçi nuk e di, sa pasuri ka

 

Zbardhet lidhja e prokurorit me Orest Sotën/ Pasuria nxjerr “zbuluar” Besnik Muçën e Krimeve të Rënda

 

 

 





Lajmet e fundit nga