Si po i nxit Basha kandidatët të marrin mandatet

18 Mars 2019, 11:46, Aktualitet CNA

Opozita shpalli djegien e mandateve të deputetëve një muaj më parë, por duket se ky hap i nxituar dhe i pa konsultuar po sjell pasoja, për të cilat Lulzim Basha, po ?kujdeset? që t’i zgjidhë vetë me të gjithë aksionin dhe axhendën e tij politike.

Janë 12 deputetë të cilët kanë marrë mandatet nga 62 që kishte në total opozita dhe shumë të tjerë që po presin radhën.

Sjellja politike e kreut të PD po nxit më tej kandidatët në lista që të marrin mandatin dhe të futen në parlament. Vetë ?kujdesi? që po tregon Lulzim Basha ka bërë që shumë prej kandidatëve në lista të vrapojnë për mandatin.

Së pari, janë protestat e Bashës të cilat duken si shëtitjeje me disa kapsolla dhe goma të djegura, të cilat përfundojnë me gazin llotsjellës së policisë. Asgjë më shumë se kaq.

Qëndrimet e forta të ndërkombëtarëve kundër djegies së mandateve dhe mbështetja nga SHBA dhe BE për të gjithë ata që marrin mandatet është një hap tjetër. Por edhe izolimi i fortë nga ndërkombëtarët që i është bërë kreut të PD, jo vetëm me deklarata, por duke i refuzuar edhe takimet dhe anulluar axhendën.

Koalicioni opozitar i PD me LSI dhe PDIU. Dy forcat politike më të korruptuara dhe blerëse votash të cilat kanë kërcyer sa në njërën anë dhe në tjetrën për pushtet. Imoraliteti politik kur LSI flet për blerje votash, ndërkohë që është e vetmja forcë politike me rritje elektorale në 2017 pikërisht nga blerja e votës.

Përjashtimet dhe përplasjet e Lulzim Bashës me ata që kanë hjyrë në parlament, por edhe kërcënimet që bëjnë njerëzit afër tij ndaj kandidatëve në lista.

Mungesa e besimit tek kreu i PD-së, i cili rëndom artikulohet nga bashkëpunëtorët si një gënjeshtar dhe sharlatan që nuk mund t’i besojë më askush. Dikush e quan si Sudja, dhe ata që përpiqen t’i besojnë, si fajdexhinjtë që fusnin lekët me mik pasi kishte kapitulluar firma piramidale.

Familja e kreut të PD-së që pasurohet dhe qarkullon miliona euro në biznese cdo vit. Influenca e tyre në drejtimin e PD, zgjedhjen e kandidatëve dhe drejtuesve të kësaj force politike, duke u sjellë si me një mall që shitet në treg me njerëzit e PD.

Mungesa e një strategjie të qartë dhe programi politik. Pa shkuar tek fakti që askush nuk beson se Lulzim Basha nuk do bëjë një tjetër marrëveshje me Ramën, kjo e ndërmjetësuar sërish nga ndërkombëtarët.

Të gjitha këto dhe vetë sjellja politike apo mungesa e formimit të Bashës si lider politik kanë bërë që nën ?kujdesin? e tij shumica e kandidatëve pasardhës në listat e PD të nxitojnë për të marrë mandatin./CNA.al

Opozitë e re në parlament/ Kandidatët që marrin sot mandatet

Vakancat në Parlament/ 30 kandidatë të tjerë pritet të marrin mandatet

Gati zëvendësimi i deputetëve të PD e LSI/ Kandidatët që marrin mandatet