web counter
LEXO PA REKLAMA!

SHKARKO APP

App Store
Google Play

E fundit!

x

Kandidatët e SPAK në filtër/ Zbardhet projektrregullorja

18 Mars 2019, 15:04, Aktualitet CNA

Këshilli i Lartë i Prokurorisë do të bëjë vlerësimin e 27 kandidatëve që kanë aplikuar për në SPAK.

Në projektrregullore të hartuar për ngritjen e SPAK,  diskutohet gjithashtu pjesëmarrja e monitoruesve nga Bashkimi Europian dhe Shtetet e Bashkuara të Amerikës, të cilët mund t?iu drejtojnë pyetje kandidatëve, e gjithashtu mund të marrin pjesë në çdo fazë të vlerësimit të tyre.

Në projektrregullore gjithashtu përmendet teknika e posaçme e hetimit, veçanërisht për hetimin e rasteve të korrupsionit në Shqipëri, si dhe vendimet e dhëna për rastet për kontroll banese, sigurim të provave përmes letërporosive jashtë Shqipërisë, apo përdorimi i provave mjekoligjore të ADN-së, raporton Top Chanel.

Më tej do të vlerësohet mënyra sesi prokurorët kanë marrë bashkëpunëtorë drejtësie apo kanë kryer përgjime elektronike gjatë hetimit të krimit të organizuar.

Paraprakisht KLP do të konsiderojë nëse 27 aplikuesit i përmbushin kushtet për në SPAK.

Pas këtij hapi, Këshilli i Lartë i Prokurorisë do të shpallë listën zyrtare të kandidatëve dhe do t?i kalojë Komisionit të Pavarur të Kualifikimit emrat e prokurorëve që nuk i janë nënshtruar ende vettingut, për t?i shqyrtuar me prioritet.

Sipas projektrregullores, më tej do të vijohet me vlerësimin e kokurentëve, ku parashikohet edhe intervista me ta ballë për ballë, që do të zgjasë 10 minuta. E në rast se gjatë vlerësimit do të ketë pikë të barabarta, atëherë do të fitojë prokurori që ka më tepër vjetërsi në detyrë./CNA.al





Lajmet e fundit nga