Zhduku 479 milion euro?/ Damian Gjiknuri gati për aferat e radhës

18 Mars 2019, 14:22, Aktualitet CNA

Ish-ministri Energjetikës Damian Gjiknuri është emëruar Sekretar për Çështjet Zgjedhore në Partinë Socialiste. Me pak fjalë, Gjiknuri do të koordinojë në punën për reformën zgjedhore.

Zgjedhjen e tij në këtë post të rëndësishëm e njoftoi kreu i Grupit Parlamentar të PS-së, Taulant Balla.

“Gjiknuri është zgjedhur drejtuesi i një procesi të rëndësishëm që kam besim se në Kuvend me deputetët e rinj të opozitës, me të gjitha partitë të çojmë në një draft përfundimtar të reflektojë rekomandimet e OSBEE, dhe të ketë certifikimin e ODIHR. Misioni i ODIHR është në Tiranë, nesër do të ketë takime me partitë politike”, ka thënë Balla.

Por, kush është Damian Gjiknuri që PD e kryqëzon sa herë i dëgjon emrin? Në kohën që drejtonte Ministrinë e Energjitikës, Damian Gjiknuri është quajtur si ministri i skandaleve. Gjiknuri ka qenë ministri i “Qeverisë ?Rama 2?më i lakuari në media.

Ndaj tij janë drejtuar akuza nga spektri politik në lidhje me afera të dyshimta korruptive, ku në lojë kanë qenë shuma marramendëse parash. Ai është akuzuar nga të djathtët për mega aferën e ÇEZ.

Sipas Kontrollit të Lartë të Shtetit, shtetit shqiptar i është shkaktuar një dëm financiar prej 479 milionë eurosh nga marrëveshja për zgjidhjen me mirëkuptim mes palëve e arritur nga qeveria dhe grupi çek ÇEZ, i cili ishte pronar i 76 për qind të aksioneve të Operatorit të Sistemit të Shpërndarjes.

Si përgjegjës për këtë dëm, gishti akuzues u drejtua ndaj Damian Gjiknurit.

Edhe sa i përket pasurisë, ndaj tij janë lëshuar akuza nga Opozita.

Nëse vëzhgojmë deklaratat e tij të pasurisë, konstatojmë se vetëm me një rrogë ministri dhe me një pagë të bashkëshortes së tij, Gjiknuri ka jetuar në luks.

Përgjatë viteve 2012-2015, Gjiknuri rezulton të ketë marrë hua nga bashkëshortja, ndërsa ka deklaruar të ardhura nga punët private.

Në vitin 2015, rezulton se Ministri i Energjisë dhe Industrisë, Damian Gjiknuri, ka të ardhura 1,671,249 nga paga si ministër dhe shpërblimet.

Në vitin 2016, luksi i Gjiknurit ka arritur kulmin.

Sipas të dhënave në deklaratën e pasurisë së Gjiknurit, të marrë nga CNA.al pranë ILDKPKI-së, në vitin 2016, Gjiknuri ka porositur një apartament të ri banimi prej 199.5 metrash katrorë.

Vlera e këtij apartamenti banimi është 271 mijë e 450 euro, nga të cilat Gjiknuri ka paguar këstin e parë prej 100 mijë eurosh.

Diçka tjetër që bie në sy në formularët e deklarimit të pasurisë , është rritja e trefishtë e të ardhurave të Rovena Gjiknurit, krahasuar me vitin 2015. Në vitin 2016, ajo deklaron 6 231 627 lekë, nga punët private si arkitekte./CNA.al

Ekskluzive-Zbulohen detajet e dosjes hetimore 184

Ministri i Ramës ?zhduku? 479 milion euro?/ Damian Gjiknuri i zhytur në luks