web counter
LEXO PA REKLAMA!

SHKARKO APP

App Store
Google Play

E fundit!

x

Nuk përmbahet ish-ministri i Ramës / "Veliaj, lëpirës pushteti"

17 Mars 2019, 12:18, Aktualitet CNA

Anëtari i kryesisë së LSI, Petrit Vasili i cili ka qenë pjesë e kabinetit ministror në Qeverinë “Rama1”, ka lëshuar gjuhën ndaj kryebashkiakut të Tiranës Erion Veliaj.

Sipas Vasilit, Tirana di t’i fshijë nga memorja lëpirës pushteti si ky Veliaj,që as nuk i njeh Tiranasit dhe as nuk do ti njohë dot.

Ky farë kryetar bashkie dërdëllit sot për Tiranën e Tiranasit dhe ka kurajon vulgare e provinciale të flasë në emër të tyre, e aq më pak të bëjë sikur i njeh ata.

As i njeh e as ka për t’i njohur tiranasit, sepse nuk u përket atyre në asnjë pikëpamje dhe njëherazi edhe tiranasit kanë neveri ta njohin atë.
Tiranës as që i bëhet vonë se një lëpirës pushteti u shfaq për pak kohë në horizontin e saj.
Tirana ka ditur t’i fshijë edhe nga pushteti edhe nga memorja të tillë lëngaraqë”, ka shkruar Vasili në rrjetet sociale.

Sipas tij, ky dhe gjithë kopeja e rilindasve të tjerë vetëm kanë “kontribuar” në shkatërrimin, zhbërjen dhe plaçkitjen e këtij qyteti.

“Edhe vikingët në fillimet e tyre do t’jua kishin zili rilindasve egërsinë dhe fuqinë shkatërruese të tyre për Tiranën.

Megjithatë vetëm dy foto mjaftojnë për t’u thënë “Mjaft’, mbylleni gojën këtyre armiqve të Tiranës.

Armiqve, që u kanë zhvatur tiranasve xhepin me taksa të tmerrshme, që u kanë shkatërruar qytetin kryq e themel dhe ua kanë bërë qytetin me cilësinë më të keqe të jetës në Europë siç nxjerr në shesh Indeksi Mercer.

Shihini vetë fotot se si gjelbëronte Tirana dikur dhe se si betoni i rilindjes e shkatërroi pa kthim dhe kuptoni menjëherë se sa e pacipë është çdo dërdëllitje bashkiake”, shkruan më tej Vasili./CNA.al





Lajmet e fundit nga