E fundit!

07:36 Ekonomi

Auditorët e BE: Projektet e transportit në Shqipëri dhe Ballkan, të ngadalta dhe të pambikëqyrura

Shqipëria, së bashku me vendet e tjera të Ballkanit Perënd...

Nga Zef Zefi/ Ejani në Roskovec

17 Mars 2019, 11:56, Aktualitet CNA

Toskana me provincat janë shkundur nga një gjumë i rëndë këto ditë: Firenze Arrezo, Grossete, Livorno, Lucca, Massa, Pisa, Pistoia, Prato dhe Siena, prej gati një jave, janë rilindur me ethet e “bashkëqeverisjes me popullin”

Direktiva ka kaluar Adriatikun dhe ka mbërritur ne brigjet e Tirrenit, duke vënë në lëvizje gjithë rajonin e Toskanës.

Slogani imperativ “…hajdeni në Roskovec për të parë Toskanën…” ose më saktë jetoni në Roskovec për të jetuar Toskanën, tani është bërë kryefjalë e ditës në gjithë hapsirat e saj publike dhe spotet publiçitare.

-Albanez jeni ju, -më ndaloi një toskan, akoma pa më zënë këmba mbi “pasarelën” Ponte Vecchio.

Nuk gabohej toskani. Gjurmët e pulës në këndet e syve për shqiptarët e rritur nën komunizëm nuk lënë vend për mëdyshje. Falë menusë socialiste; turshi e marrmelatë.

-Po, urdhëroni. Albanez jam.

-Nga Ros’hoveci?

-Boh, Ros’hoveci?-u mëdysha. Po mbërrita shpejt tek ngrënia e tingullit “k” nga toskanët. Aaa, Roskoveci!- Jo për at’zot. Nuk jam prej Roskoveci.

-E njeh, e ke parë Roskovecin, dmth me sy të lirë?

-Po mor’ qysh jo. Si ty tani

Toskani u bë ma flatra.

“Potrá darmi un’informazione gentilmente?

Ankthi i tij më ngjante me ato të Amerikano Vespiçit.

-Patjeter, mos ki dert’.

-Na ka ardhur fletëpalosja, derë më derë (porta a porta) sipas Kryetarit të qeverisë suaj se për të parë Toskanën duhet të shkohet në Roskovec, -vijoi toskani me të folmen tipike fiorentine,-dhe ajo që është më e rëndësishme, se për të jetuar Toskanën, duhet jetuar atje, dmth né Roskovec. Besoj ta ka zënë veshi se 3.8 milion toskanë kanë bërë gati valixhet dhe makinat për atje në Roskovecin e shqipeve?

-Jo për zotin, jo.

“Ma cosa è questa faccia strana che fa” -pse të iku fytyra,-pyeste toskani.

I thashë asgjë. “Më tronditën pak shifrat. Më topisin shifrat.- Si të them më ndodh si Stendalit me artet, po kalon.

Toskani u qetësua.

I thashë se Roskoveci ka afërsisht 21 mijë banorë. Toskana 3.8 milion

-Aq më mirë, – u gëzua toskani. -dmth paska hapsirë për të gjithë toskanët.

-Hapsire?!

-Sipërfaqe- sqaroi ai

-Sipërfaqja e Roskovecit, qe thua ti, është 118 km katror, kurse e Toskanës 23 mijë kilometra katrore, pak më pak se krejt Shqipëria. Kupton?

-No,-tha toskani më i sigurtë se kurrë, për vete, po i pasigurtë për mua, nëse kishte gjetur albanezin e duhur per informacionin apo ndonjë komik të dështuar që endet verdallë Firences.-“Va tutto bene, sicuro?”

I thashë po, boll “tutto bene” jam. -Po më duhet tu sqaroj se të fusësh Toskanën në Roskovec, është njëlloj si të fusësh globin në një kokërr vezë, ose si i themi ne shqipot si të fusësh xhaminë në thes.

Ndersa të vendosësh 3.8 milion banorë në 118 km katrore, i bie që toskanët të kthehen të gjithë në liliputër të “…çudirave”.

Toskani mbeti pak si i trandur, po i sigurtë se kur lajmet shpëndahen “porta a porta” (derë më derë) duhet të jenë pak më të rëndësihme se opinioni i një emigranti.-Sinqerisht unë besoj kryeministrin tuaj, – tha toskani.-Nuk të mbetet hatri besoj.

-Aspak. Mbeç’ me shendet,- i thashë.

-Shendet paç,-tha toskani.