E fundit!

09:42 Aktualitet

“Jam i kërcënuar me jetë, si unë dhe familja ime”/ Flet ish i dënuari, akuza oficerit të policisë gjyqësore

Besmir Gjezari sot ka përfituar lirinë falë projektligjit ...

Skandali i blerjes së votave/ Berisha: Damkosja e rëndë e Edvinit

17 Mars 2019, 08:33, Aktualitet CNA

Opozita akuzon mazhorancën se ka ardhur në pushtet duke blerë votat.

Ish-kryeministri Sali Berisha, ka pasqyruar në rrjetet sociale një kronikë të rrjetit televiziv gjerman ZDF, mbi blerjen e votave dhe protestën e Opozitës.

“Damkosje tjetër e rëndë e Edvinit dhe klikës së tij! Rrjeti televiziv më i madh gjerman ZDF raporton:Skandali i blerjes së votave nga qeveritarët ka bërë që zemërimi popullor të rritet nga protesta ne protestë. Votat u blenë, zemërimi nuk ndalet”, shkruan Berisha, duke cituar ZDF.

Sipas Berishës, kanalet publike gjermane kanë mbajtur qëndrime të forta pas protestës së Opozitës.

“Dojçe Vele e quajti protestën më masive të opozitës, kurse ZDF vazhdon të jetë e ashpër me qeverisjen.

Dy ditë pasi publikoi një kronikë ku thuhej se ‘Shqipëria është nën pushtetin e mafias’, kanali gjerman sjell një kronikë nga protesta e sotme”, citon më tej Berisha, mediat gjermane.

Pjesë nga kronika të postuara nga Berisha

?Zemërimi i tyre rritet nga protesta në protestë,? thekson gazetarja.
Ajo ka intervistuar edhe kreun e PD, Lulzim Basha. ?Kryeministri Rama kontrollon qeverinë, parlamentin, drejtësinë dhe median. Ështe një autokrat i korruptuar. Nën sundimin e tij, Shqipëria është kthyer në eksportuesin më të madh të drogës?.

Sipas gazetares gjermane, ?skandali i fundit tregon mesa duket anëtarët e qeverisjes duke blerë vota për të manipuluar zgjedhjet?. Demonstruesit kërkojnë largimin e qeverisë, shton ajo.
Protestuesja Zylyha Bitri thotë se i ka dy djemtë të papunë, të ardhurat nuk mjaftojnë për të jetuar. ?Gjatë viteve të fundit janë rritur taksat, çmimi i naftës është dyfishuar, Çmimi i dritave është rritur?, thotë Zyliha Bitri, pronare e një kafeneje …

Kryeministri Rama ka pak mirëkuptim për protestën, thuhet në kronikë. Ai mohon çdo diskutim për zgjedhje të reja. ?Mandati nuk është llotari? thotë ai.
Edhe sot protestat përfunduan me përplasje. Shqipëria është thellësisht e ndarë, thekson gazetarja./CNA.al