E fundit!

10:44 Aktualitet Besim Ndregjoni

Mbyllja e kapitujve të BE për arsimin dhe kërkimin shkencor, Kumbaro: Fryt i reformave

Shqipëria mbylli me sukses tre kapitujt e parë të Integrim...

Qytetarët "shpërthejnë" ndaj Ramës/ Jep dorëheqjen, ose arresto organizatorët e protestave

17 Mars 2019, 07:55, Aktualitet CNA

Kryeministri Edi Rama, si çdo mëngjes vijon ritualin e tij në rrjetet sociale.

Duke iu referuar një artikulli për Shqipërinë, shkruar nga meduat gjermane, Rama ka uruar mirëmëngjesin.

“Mirëmëngjes, dhe me këtë tjetër artikull për Shqipërinë turistike nga mediat gjermane, ku fokus të veçantë ka marrë turizmi shëndetësor, ju uroj një të dielë sa më të qetë”, ka shkruar Rama në rrjetet sociale.

I menjëhershëm ka qenë reagimi i qytetarëve, të cilët kanë shpërthyer ndaj Ramës, duke përgënjeshtruar atë që ai deklaron se mediat gjermane i kanë bërë reklamë Shqipërisë për turzimin shëndetësor.

“Mirëmëngjes, kryeministër, po është e vërtetë media gjermane po shkruan për Shqipërinë, por thotë korrupsioni krimi, droga të lidhura me Qeverinë po ia zënë frymën popullit me të varfër të Evropës”, i shkruan një komentues.

Nuk kanë munguar edhe qytetarët e irrituar nga kriza politike, ku në njërën anë Opozita është derdhur në rrugë e nga ana tjetër mazhoranca vijon fushatën elektorale, sikur s’ka ndodhur asgjë.

“Mirëmëgjes z. Rama për mendimin tim, o jep dorëheqje ose organizatorët e protestave rrasi brenda se e shkatërruan Tiranën çdo javë”, shkruan një qytetarë.

Ndërsa një tjetër i ka kujtuar skandalin me ilaçet, ku manipulohej data e skandencës.

“Në Shqipëri vijnë Gjermanët dhe i gjejnë Ilaçet që kanë prodhuar vetë edhe më lirë se në Gjermani, madje mund t’i gjejnë edhe falas në Erzen, mjafton të marrin thesin me vete “, shkruan qytetari.

Të tjerë apelojnë që të luftojë korrupsionin dhe të nxisë hapjen e vendeve të punës.

“Zoti Rama lufto korrupsionin që lulëzon në çdo institucion. Drejtësia duhet të funksionoj, se ëshë e kalbur deri në palcë. Hapni fabrika të rrinë njerëzit aty, se dita ditës mundohen të ikin. Hapni vende pune”, komenton një qytetar.

Ka pasur edhe nga ata qytetarë që nuk e kanë kursyer ironinë ndaj Ramës.

“Falë jush kemi mësuar dhe gjermanisht, kështu që mund të kuptojmë të gjithë artikujt e mediave gjermane, ku thuhet se sa mirë është të jetosh në Shqipëri”, shkruan një qytetarë./CNA.al