web counter
LEXO PA REKLAMA!

SHKARKO APP

App Store
Google Play

E fundit!

x

Detaje të reja/ Kush është ish i përndjekuri politik që u ekzekutua

16 Mars 2019, 19:59, Aktualitet CNA

Një ngjarje e rëndë ka trondituar pak orë më parë Tiranën. Shtetasi Haxhi Baçinozi u vra në mënyrë makabre në sy të djalit 14 vjeçar, tek kodrat e “Liqenit Artificial?, të Tiranës.

Dy persona të maskuar dhe me xhupa të zinj, janë afruar me motor dhe kanë qëlluar 5 herë në drejtim të viktimës.

Nga të dhënat mësohet se dy autorët ishin me origjinë nga Fieri, dhe ka qenë djali i Baçinozit që i ka identifikuar dhe ka treguar se ekzekutuesit e të atit janë shtetasit me iniciale I.M., dhe I.H.

Mësohet se 62 vjeçari është ish i përndjekur politik, për agjitacion dhe propagandë, por vitet e fundit ishte shpërblyer nga shteti.

Baçinozi bashkë me familjen e tij jetonin prej disa vitesh në Tiranë dhe nuk njihej si një person problematik. Dyshimet e para për vrasjen e tij, janë se ka qenë i përfshirë kohët e fundit në një konflikt.

Pas vrasjes, autorët dyshohet të jenë larguar në drejtim të Saukut. Ndërkohë policia po punon për zbardhjen e plotë të ngjarjes dhe është vënë në ndjekje të autorëve.

Njoftimi i policisë:

Tiranë

Informacion paraprak

Rreth orës 18:15, tek Liqeni Artificial, është vrarë me armë zjarri, shtetasi H. B., 62 vjeç.

Policia ka identifikuar autorin dhe po punon për kapjen e tij./CNA.al





Lajmet e fundit nga