E fundit!

08:42 Politikë

Mblidhet sot Këshilli Kombëtar i PD-së/ Pritet zgjedhja e Sekretarit të Përgjithshëm, nënkryetarëve dhe strukturave

Partia Demokratike vijon procesin e riorganizimit të brend...

Dhunë në protestë/ Policia i "tund" prangat Gazmend Bardhit

17 Mars 2019, 09:36, Aktualitet CNA

Dhuna e shkaktuar në protestën e Opozitës të mbajtur një ditë më parë, ka çuar në reagimin e ashpër të Policisë.

Që prej pas përfundimit të protestës Policia ka bërë një sërë arrestimesh, shoqërimesh dhe procedimesh.

33 persona janë vënë nën hetim. Janë proceduar në gjendje të lirë dhe 11 persona të tjerë, ndërsa 7 shtetas janë shpallur në kërkim.

Policia njofton se ësshtë proceduar penalisht gjithashtu shtetasi Gazmend Bardhi, organizator i protestës së zhvilluar në 16 mars 2019.

Njoftimi i Policisë:

Policia e Tiranës nën drejtimin e Prokurorisë së Rrethit Gjyqësor Tiranë ka arrestuar 14 shtetas, për veprime të dhunshme mbi institucionet kushtetuese, mbi Policinë dhe për shkatërrimin e pronës gjatë zhvillimit të protestës së opozites Partisë Demokratike dhe Lëvizjes Socialiste për Integrim më datë 16.03.2019.

Veprimet proceduriale janë kryer në bazë të një analize të pamjeve filmike, raport shërbimeve, si dhe provave të tjera të mbledhura nga grupi hetimor.

Janë proceduar në gjendje të lirë dhe 11 persona të tjerë, ndërsa 7 shtetas janë shpallur në kërkim.

Është proceduar penalisht gjithashtu shtetasi G.B., organizator i protestës së zhvilluar në 16 mars 2019.

Janë sekuestruar në cilësinë e provës materiale rreth 130 kapsolla te ndaluara si të rrezikshme për jetën.

Janë arrestuar për konsumimin e elementëve të veprave penale ?Organizimi dhe pjesëmarrja në grumbullime dhe manifestime të paligjshme?, ?Goditje për shkak të detyrës?, ?Kundërshtim me dhunë të punonjësit të policisë?, ?Prishje të rendit dhe qetësisë publike? dhe ?Mbatja dhe përdorimi i lëndëve plasëse?, shtetasit:

Po punohet për identifikimin, kapjen dhe vënien para përgjegjësisë ligjore të personave të tjerë që kanë kryer veprime të dhunshme gjatë protestës së djeshme.

Materialet proceduriale do t’i referohen Prokurorisë së Rrethit Gjyqësor Tiranë, për veprime të mëtejshme./CNA.al