web counter
LEXO PA REKLAMA!

SHKARKO APP

App Store
Google Play

Ish- këshilltari bashkiak e thotë copë/ Basha dhe Veliaj po përdorin qytetarët

17 Mars 2019, 12:45, Aktualitet CNA

Ish-këshilltari  i Partisë Demokratike në Bashkinë e Tiranës, Fabian Topollaj, ka hequr paralele mes kreut të PD Lulzim Basha dhe kryebashkiakut të Tiranës Erion Veliaj.

“Të dy janë të rinj në moshë dhe relativisht të rinj në politikë, të dy i janë shitur publikut si djemtë perëndimore të Partive respektive

(pavarësisht se për të dy ka njësoj dyshime edhe për përfundimin apo jo të shkollimit në Universitetet Europiane), që do të ndryshonin Shqipërinë duke ndryshuar si parti, partitë e tyre nga trashëgimia e vjetër.
Por, fatkeqësisht të dy janë me bizantinë se paraardhësit e tyre dhe identikë në aplikimin e politikave të vjetra”, ka shkruar Topollaj në rrjetet sociale.

Më tej ish-këshilltari bashkiak është ndalur tek protesta e djeshme e Opozitës dhe tek “antimitingu” i sotëm i Veliajt.
Sipas Topollajt, dje, Lulzim Basha dhe sot Erion Veliaj po përdorin njësoj popullin dhe ndjesitë e tij legjitime për përfitime ngushtësisht personale politike.

“Lulzim Basha keqpërdori dje zemëratën popullore që të realizojë ëndërrën e tij kryeministrore, ndërsa sot Erion Veliaj në një akt bajat është duke përdorur nevojën e qytetarëve për të gëzuar, për të na treguar një Shqipëri të gënjeshtërt, që sipas tij është në festë dhe jo në hall”, ka përfunduar Topollaj./CNA.al





Lajmet e fundit nga