web counter
LEXO PA REKLAMA!

SHKARKO APP

App Store
Google Play

E fundit!

x

Tragjedia në Zelandën e Re/ Berisha: Akt barbar terrorist

15 Mars 2019, 12:44, Aktualitet CNA

Ish- kryeministri Sali Berisha ka reaguar lidhur me masakrën që  ndodhi në Zelandën e Re,  ku 49 persona kanë humbur jetën dhe 40 të tjerë kanë mbetur të plagosur.

Në një postim në rrjetet sociale, Berisha e ka cilësuar sulmin si ?Një akt barbar, terrorist ndaj besimtarëve myslimanë në Zelandën e Re!?.

Berisha e dënon ashpër këtë ngjarje të rëndë dhe u ka shprehur ngushëllime familjarëve të viktimave dhe ka uruar shërim të shpejtë për të plagosurit.

Gjithashtu Berisha ka deklaruar se autorët duhet të marrin dënimin më të rreptë ligjor.

?Një akt barbar terrorist u krye sot nga terroristë, racistë primitivë ndaj besimtarëve myslimanë që faleshin në xhamitë e tyre në Zelandën e Re.

Në këtë masakër barbarët vranë  49 qytetarë të pafajshëm dhe plagosën 40 te tjere. Kriminelët kryen krimin e tyre të tmerrshëm të udhëhequr nga urrejtja dhe racizmi ndëretnik dhe ndërfetar.

Duke dënuar me ashpërsinë më të madhe këtë masakër horror, shpreh ngushellimet e mia familjeve të viktimave dhe autoriteteve të vendit, si dhe uroj shërim të shpejtë të plagosurve.

Uroj gjithashtu që autorët e këtij akti shokues, shtazor të marrin ndëshkimin e merituar më të rreptë ligjor.?,- ka shkruar Berisha në postimin e tij./CNA.al





Lajmet e fundit nga