web counter
LEXO PA REKLAMA!

SHKARKO APP

App Store
Google Play

E fundit!

x

Audienca e televizioneve/ Zbardhet raporti i ekspertit të kërkuar nga AMA

15 Mars 2019, 12:36, Aktualitet CNA

Autoriteti i Mediave Audiovizive ka publikuar sot raportin e ekspertit të kërkuar për matjen e audiencës televizive në Shqipëri.

Në raport evidentohen disa nga problemet në lidhje me matjen e audiencës televizve në Shqipëri.

Në raport thuhet se ?Si rregull, në tregjet ku ka një sistem të pranuar cilësor të matjes së audiencës televizive, reklamuesit nuk mund ta dinë me siguri paraprakisht se çfarë janë duke blerë, duke qenë se kjo shihet në të ardhmen, por ata e dinë se çfarë kanë blerë pas fushatës së reklamave. Për reklamuesit dhe agjencitë e reklamave në Shqipëri, situata aktuale do të thotë se ata nuk e dinë as më pas se çfarë kanë blerë?.

Gjithashtu Raporti thekson se sistemet e matjes së audiencave televizive janë subvencionuar brendapërbrenda grupeve më të mëdha, ku ato janë pjesë ose me të cilat shoqërohen.

Më tej, theksohet se të ardhurat e marra aktualisht nga abonentët janë të pamjaftueshme për të financuar si duhet sistemet dhe i lë ata në mëshirë të vendimeve të korporatave të pavarura.

Raporti thekson rëndësinë e besimit tek të dhënat e matjes së audiencës televizive sa i përket shkëmbimeve tregtare në lidhje me kohën e transmetimit, gjë e cila sipas tij mungon në Shqipëri.

?Mbeta i shokuar kur pashë se sa larg është situata aktuale në Shqipëri nga kjo. Kam përshtypjen se ka një boshllëk të madh mes tregut të kohës televizive në Shqipëri sa u përket numrave që mund të tregtohen me besim në realitetin aktual. This is a translated document provided by Council of Europe (CoE) to AMA to be used ëith the original report in English provided by CoE expert Mr. Ivor Millman. 6 Një çështje themelore që doli vazhdimisht në takimet e mia ishte besimi, apo më saktë mungesa e besimit mes organizatave të studimit të tregut dhe transmetuesve, mes vetë transmetuesve, mes transmetuesve dhe agjencive të reklamave dhe mes organizatave të studimit të tregut dhe agjencive të reklamave, që mbulon të gjitha mundësitë. Besimi ka për të qenë ndoshta problem mes blerësve dhe shitësve në momentin që ata bëjnë tregti, në këtë rast në dhënien e parave për audiencë, gjë që kryhet pa matje përgjithësisht të pranuara dhe të besueshme të atyre audiencave.?-thuhet në raport.

Raporti i plotë: Report_TV Audience measurement_Albania_IMillman_Feb 2019_ALB





Lajmet e fundit nga