web counter
LEXO PA REKLAMA!

SHKARKO APP

App Store
Google Play

E fundit!

x

"Shpata" e Vettingut, i përzuri nga drejtësia/ Hetim penal për milionerët e shkarkuar?

15 Mars 2019, 10:15, Aktualitet CNA

Më shumë se gjysma e gjyqtarëve dhe prokurorëve që i janë nënshtruar Vettingut kanë “ngelur në klasë”.  Pasuria ka djegur pjesën më të madhe të gjyqtarëve dhe prokurorëve.

Në fakt për shkak të pasurisë dhe për të mos u diskretuar gjatë procesit të Vettingut, disa gjyqtarë dhe prokurorë dhanë dorëheqjen që në fillim.

“Shpata” e Vettingut për disa ka qenë e pamërshishme për disa prej tyre, ndërkohë për pjesën tjetër që kanë kaluar, ka reaguar Komisioneri Publik.

Deri në datën 24 dhjetor të 2018, Komisioni i Pavarur i Kualifikimit ka dhënë në total 92 vendime, ku 42 prej tyre për konfirmimin në detyrë të 20 gjyqtarëve, 18 prokurorëve dhe 4 ndihmësve ligjorë,  35 vendime për shkarkimin nga detyra ndërmjet të cilëve 22 gjyqtarë, 12 prokurorë dhe 1 ndihmësi ligjor, 7 vendime për ndërprerjen e procesit për 4 gjyqtarë, 2 prokurorë dhe 1 këshilltar ligjor në Gjykatën Kushtetuese dhe 8 vendime për pushimin e procesit për 3 gjyqtarë, 1 prokuror dhe 4 ndihmësve ligjorë të Gjykatës së Lartë.

Vetëm përgjatë vitit 2018, gjysmën e njerëzve të drejtësisë kanë rënë në Vetting, ose kanë dhënë dorëheqjen, për shkak të pasurisë.

Edhe në 2019-ën është mbajtur i njëjti ritëm. Pjesa më e madhe e shkarkimeve nga KPK kanë ardhur si pasojë e mosjustifikimit të pasurisë, apo të fshehjes dhe deklarimit të rremë të pasurisë.

“Të paprekshmit e drejtësisë”

Një numër i ulët i gjyqtarëve dhe prokurorëve të shkarkuar nga Vettingu, do t’i drejtohen Strasburgut, pasi konsiderojnë se janë shkarkuar në mënyrë të kundërligjshme.

Ndërsa pjesë tjetër e të shkarkuarve, po vijon të gëzojë pasurinë që nuk e justifikuan dot në Vetting, ashtu siç po bëjnë të dorëhequrit.

Deri më tani vetëm për një zyrtar të drejtësisë që është dorëhequr më herët,  kanë filluar hetimet për pasurinë. Ai është ish-Prokurori i Përgjithshëm Adriatik Llalla, ndërsa për të tjerët nuk ka pasur asnjë reagim.

Lënia e milionerëve jashtë sistemit të drejtësisë është e pamjaftueshme, ndaj tyre duhej të hapej dhe një hetim penal për pasuri të paligjshme.

Struktura e Posaçme Antikorrupsion,  pritet të jetë institucioni që do të marrë kompetencat për këto raste, njësoj si për politikanët e korruptuar.

Por, deri atëherë gjyqtarët dhe prokurorët e luksit që nuk i mbijetuan dot Vettingut do të vijojnë te flenë mbi miliona.

CNA.al, po sjell më poshtë emrat e gjyqtarëve dhe prokurorëve të shkarkuar nga Komisioni i Pavarur i Kualifikimit dhe emrat e atyre, që janë ankimuar nga Komisioneri Publik.

Gjyqtarët dhe prokurorët e shkarkuar

Bledar Abdullai, gjyqtar pranë Gjykatës së Rrethit Gjyqësor Tiranë, i shkarkuar

Shkëlzen Selimi, gjyqtar pranë Gjykatës së Lartë Tiranë, shkarkuar

Elsion Sadiku, prokuror në Prokurorinë pranë Gjykatës së Rrethit Gjyqësor, shkarkuar

Rovena Gashi, Prokurore pranë Prokurorisë së Përgjithshme, shkarkuar

Ervin Metalla, gjyqtar pranë Gjykatës Apelit Tiranë, shkarkuar

Admir Thanza, gjyqtar pranë Gjykatës së Lartë, shkarkuar

Tom Ndreca, gjyqtar pranë Gjykatës së Lartë, shkarkuar

Gani Dizdari, gjyqtar pranë Gjykatës Kushtetuese, i shkarkuar

Fatos Lulo, anëtar i Gjykatës Kushtetuese, shkarkuar

Fatmir Hoxha, anëtar i Gjykatës Kushtetuese, shkarkuar

Besim Trezhnjeva, gjyqtar në Gjykatës e Apelit në Durrës, shkarkuar

Altina Xhoxhaj anëtare e Gjykatës Kushtetuese, shkarkuar

Besa Nikëhasani, prokurore pranë Prokurorisë së Apelit Shkodër, shkarkuar

Artan Laze, gjyqtar pranë Gjykatës së Rrethit Gjyqësor Tiranë, shkarkuar

Luan Kaloçi, prokuror i Apelit Tiranë, shkarkuar

Gentian Trenova, prokuror i Apelit Tiranë, shkarkuar

Adriatik Cama, prokuror pranë Prokurorisë së Tiranës, shkarkuar

Dritan Rreshka, prokuror pranë Prokurorisë së Tiranës, shkarkuar

Artan Broci, gjyqtar pranë Gjykatës së Lartë Tiranë, shkarkuar

Arben Nela, Gjykata e Apelit Tiranë, shkarkuar

Artan Zeneli, anëtar i Gjykatës së Lartë

Agron Valva, kryetar i Gjykatës Berat

Entela Prifti, kryetare e Gjykatës së Apelit të Korçës

Sotiraq Lubonja, Gjykata e Korçës

Izet Kadana, Kryetar i Gjykatës së Pukës

Ahmet Jangulli, Gjykata Administrative e Shkodrës

Luan Dervishi, Gjykata e Apelit Shkodër

Bashkim Dedja, kryetar i Gjykatës Kushtetuese

Bujar Hoti, Prokuror në Prokurorinë e Durrësit

Ramadan Troci, Prokuroria e Përgjithshme

Dritan Gina, Prokuroria Elbasan

Artor Ylli, ndihmësin ligjor pranë Gjykatës Administrative të Shkallës së Parë Tiranë.

Alma Liçaj, Gjykata Vlorë

Shpëtim Kurti, Prokuroria Tiranë

Artur Selmani, Prokuroria e Përgjithshme

Luan Dërvishi, Gjykata e Apelit Shkodër

Dritan Seci Prokuroria e Tropojës

Artan Bajrami, Prokuroria e Krimeve të Rënda

Petrit Çeno, Gjykata e Apelit, Durrës

Bujar Hoti, Prokuroria e Apelit, Durrës

Alltun Çela, Gjykata Sarandë

Hysni Demiraj, Gjykata e Apelit, Tiranë

Arqile Koça, Prokuroria e Përgjithshme

Irma Balli, Prokuroria e Apelit, Korçë

Ana Golloshi, ndihmëse ligjore pranë Gjykatës Administrative të Apelit

Alfred Gjoni, Gjykata e Rrethit Kurbin

Admir Belishta, Gjykata Korçë

Izet Kadana, Gjykata Pukë

Fatos Qato, Gjykata e Apelit, Tiranë

Antoneta Sevdari, Prokuroria e Tiranës

Të ankimuar nga Komisioneri Publik

Xhezair Zaganjori, kryetar i Gjykatës së Lartë

Artur Malaj, gjyqtar pranë Gjykatës Administrative të Apelit të Tiranës

Gentian Medja, gjyqtar pranë Gjykatës Administrative të Shkallës së Parë

Gentian Osmani, prokuror pranë Prokurorisë së Krimeve të Rënda

Edmond Islamaj, anëtar i Gjykatës së Lartë

Besnik Muçi, Prokuror në Prokurorinë pranë Gjykatës së Shkallës së Parë për Krime të Rënda

Nertina Kosova, gjyqtare në Gjykatën e Apelit për Krime të Rënda

Astrit Faqolli, gjyqtar në Gjykatën e Shkallës së Parë Tiranë

Alma Brati, gjyqtare në Gjykatën e Rrethit Gjyqësor Tiranë

Arben Dollapaj, prokuror në Prokurorinë pranë Gjykatës së Apelit Shkodër

Adnan Kosova, prokuror në Prokurorinë e Përgjithshme

Alma Kolgjokaj, Gjykata Krujë

Valbona Bala, Këshilltare pranë Gjykatës Kushtetuese./CNA.al





Lajmet e fundit nga