web counter
LEXO PA REKLAMA!

SHKARKO APP

Djegia e mandateve/ Karamelo tregon pse është kundër

13 Mars 2019, 14:56, Aktualitet CNA

Deputeti, Ligoraq Karamelo, ka sqaruar pozicionin që ai do të mbajë në Parlament përballë mazhorancës.

Sipas Karamelos Partia Demokratike në zgjedhjet e 2017-tës ka marrë një mandat shtesë me votat e PBDNJ në Korçë.

Karamelo sqaroi se në Parlament së bashku me deputetët e tjerë që kanë pranuar mandatin do të qëndrojnë në linjën opozitare.

?Kam marrë pjesë në listën e PD-së si pjesë e koalicionit që ishte PBDNJ-ja. Unë në Korçë edhe Dule në Vlorë garuam në listat e PD-së, si pasojë e paktit të dy krerëve me 17 Maj Basha dhe Rama ku partitë e vogla nuk mund të garonin në emër të tyre. Me votat tona PD-ja mori një mandat shtesë në Korçë. Djegia e mandateve nuk ishte një vendim i duhur pasi betejat duhet të bëhen në Parlament. Qëndrimi ynë është krah PD-së, nuk jemi kundër qëndrimeve të opozitës, e mbështesim linjën opozitare dhe jemi të bindur që do ta përfaqësojmë këtë linjë dhe një gjë pozitive është që të gjithë deputetët që  kemi pranuar të marrim mandatin do jemi opozitarë dhe do të mbështesim reformën?,-tha ndër të tjera Kramelo në ?Top Talk?./CNA.al





Lajmet e fundit nga