E fundit!

13:47 Live Updates

Karburantet në Shqipëri/ Një krizë besimi mes çmimeve dhe transparencës

Çmimet e karburantit sot dhe roli i sh...

Droga "mbyt" Vlorën/ Niko Brahimaj "dush të ftohtë" Policisë

13 Mars 2019, 14:10, Aktualitet CNA

Drejtori i Hetimit të Krimeve të Rënda në Policinë e Shtetit, Niko Brahimaj, ka ashpërsuar tonet ndaj Policisë së Vlorës, në lidhje me luftën ndaj drogës.

Sipas Brahimajt, Policia e Vlorës, nuk ka dhënë maksimumin në luftën ndaj drogës.

“Është vërejtur mungesë e shkëmbimit të informacionit të plotë mbi këtë aktivitet dhe aktivitetin e grupeve të fuqishme kriminale.

Mosofrimi i mundësive të përshtatshme nga platformat ekzistuese të raportimit për qytetarët që duan të sinjalizojnë rastet e trafikimit të lëndëve narkotike”, ka thënë Ibrahimaj.

Sipas të njëjtit, moszbatimi korrekt i legjislacionit përkatës ka sjellë neglizhencë të autoriteteve vendore kundër fenomenit të kultivimit të kanabisit dhe trafikimit të lëndëve narkotike si dhe pamjaftueshmëri të fuqisë goditëse mbi asetet kriminale të përfituara nga kjo veprimtari.

“Dobësi në bashkëpunimin ndërinstitucional në luftën kundër këtij fenomeni. Pamjaftueshmëri e fushatave të ndërgjegjësimit për dëmet dhe pasojat që lidhen me këtë fenomen. Angazhim i pamjaftueshëm i njësive vendore mbi ndërgjegjësimin dhe orientimin e fermerëve drejt kultivimit të kulturave bujqësore apo blegtorale të ligjshme dhe fitimprurëse.

Kontrolli i territorit nga ana e strukturave policore në të gjithë qartë, duke përfshirë edhe qarkun e Vlorës, nuk kryhet plotësisht mbi bazën e analizës së riskut, sa i përket kultivimit të bimëve narkotike”, ka thënë më tej Brahimaj.

Gjithashtu, sipas tij kanë mungojnë pajisjet e nevojshme logjistike për realizimin e kontrollit të territorit në ambiente të mbyllura dhe në terrene të hapura si dhe ka pasur mungesë e marrjes së vlerësimit të informacionit policor nga strukturat dhe ç’është më e rëndësishmja një numër i vogël i hetimeve pro aktive.

“Mos vlerësim dhe mos kontroll i tregut për farat e kanabisit nuk do quhet sukses goditja fundore e parcelave të pjekura me kanabis, por do të quhet pamjaftueshmëri e punës.

Në të gjitha strukturat e policisë ka pasur mungesë aktiviteti në organizimin e punës operative për sigurimin e informacioneve lidhur me kultivuesit dhe organizmin e operacioneve për kapjen ne flagrancë të autorëve.

Nuk është punuar sa duhet nga strukturat vendore të policisë për të aplikuar metoda speciale të hetimit në zbulim dhe goditjen e autorëve të kultivimit të bimëve narkotike. Strukturat e drejtorisë vendore të policisë nuk kanë bërë të mundur të sigurojnë informacione të plota për personat që sigurojnë farën e kanabisit”, është shprehur Brahimaj.

Reagimi i Brahimajt ka ardhur gjatë gjatë takimit me Task Forcën për luftën kundër kanabisit./CNA.al