web counter
LEXO PA REKLAMA!

SHKARKO APP

App Store
Google Play

E fundit!

x

Basha gati listën/ Zbulohen kandidatët e PD-së për zgjedhjet lokale

13 Mars 2019, 12:10, Aktualitet CNA

Në muajin dhjetor, kur studentët ishin në rrugë dhe protestonin, Lulzim Bashës iu kërkua të digjte mandatet e deputetëve, por një gjë e tillë nuk ndodhi. Kryetari i Partisë Demokratike, Lulzim Basha në atë kohë thoshte se ishte një politikan perëndimor dhe se nuk do t?i digjte mandatet.

Por, vetëm dy muaj më vonë, ndërroi mendje dhe vendosi të djegë mandatet e deputetëve, si shenjë proteste kundër qeverisë, për të cilën thotë se ka ardhur në pushtet me votat e blera nga paratë e krimit.

Por, ndërkohë që në media flet e bërtet se nuk e njeh parlamentin, se nuk do të hyjë në zgjedhje me Ramën kryeministër, etij, në të vërtetë faktet flasin kundër Lulzim Bashës.

Edhe pse në media shpërndan skenare, sikur nuk do futet në zgjedhjet lokale, Basha duket se ka gati listën e kandidatëve për drejtimin e Bashkive kryesore në vend.

Megjithëse ka djegur mandatet, Basha mund të përdore të njëjtën skemë si në çadër, kur thoshte se nuk do të hynte në zgjedhje, por pasi gënjeu demokratët plasi një listë, të dalë nga zyra e kunatit.

Në vijim në turit që ka ndërmarrë nëpër rrethe ku fton qytetarët të marrin pjesë në protestën e 16 marsit, Basha shkon e shpall edhe kandidatë për zgjedhjet lokale.

I tillë është edhe rasti i Xhelal Mziut.

Pak ditë më parë, gjatë një takimi në Paskuqan, Basha konfirmoi rikandidimin e kryebashkiakut aktual të Kamzës, Xhelal Mziu dhe po bën evidentimin e kandidaturave për ti pasur gati në çdo moment.

Ndërkohë CNA.al ka mësuar se në Tiranë, janë ende në pikëpyetje dy kandidatura të mundshme. Si kandidatë për Bashkinë e Tiranës, përfliten ish-nënkryetarja e Komisionit të Ekonomisë, Jorida Tabaku, dhe ish-deputeti Gert Bogdani.

Ndërkohë Ardian Muka, një emër i njohur tashmë në PD e Durrësit, gjithnjë e më shumë po përflitet se do jetë një kandidat i mundshëm për bashkinë e qytetit bregdetar.

Në Korçë, pritet ende te konfirmohen Ledina Aliolli ose Kristian Kocibelli, ndërsa në Pogradec kandidat pritet të jetë Eduard Kapri, kreu aktual i bashkise.

Ne Devoll do rikandidoje kryetari aktual Bledjon Nallbati.

Në Lezhë Basha ka vendosur ti besojë rikandidimin kryebashkiakut aktual Fran Frrokaj.

Në Shkodër, janë në diskutim dy emra. Kryebashkiakja aktuale, Voltana Ademi dhe ish-deputetja e PD-së, Izmira Ulqinaku.

Ndërkohë, në Gjirokastër dhe Elbasan, Basha pritet të shpallë si kandidatë dy ish-kryetarët e degëve, përkatësisht Roland Bejko dhe Aurel Bylykbashi.

Nga ana tjetër edhe LSI dhe aleatët pretendojnë disa prej bashkive, dhe mund të kenë në tavolinë 20 prej tyre për të garuar. Pretendimet e tyre fillojnë nga Pogradeci, Gjirokastra, por edhe Fieri e Elbasani./ CNA.al





Lajmet e fundit nga