E fundit!

13:58 Aktualitet

SPAK sekuestron pasurinë në pronësinë indirekte të Belinda Ballukut

Prokuroria e Posaçme ka vendosur masën e sekuestrimit pasu...

Hajduti i Gjykatës së Lartë/ Prokuroria bën gati prangat për Admir Thanzën

13 Mars 2019, 13:31, Aktualitet CNA

Në korrik të vitit të kaluar, Prokuroria e Përgjithshme nisi hetimet për ish-gjyqtarin e Gjykatës së Lartë, Admir Thanza, i cili rezulton se ka fshehur një dënim në shtetin italian, duke mos e deklaruar në formularin e dekriminalizimit.

Hetimet kanë nisur kryesisht, një ditë pas seancës dëgjimore të mbajtur në Komisionit e Pavarur të Kualifikimit.

Pas rreth nëntë muajsh hetime, Prokuroria ka dërguar në gjyq me akuzën e falsifikimit të formularit të dekriminalizimit ish-gjyqtarin Admir Thanza.

I pandehuri Thanza do të përballet me akuzën e fshehjes së dënimit për vjedhje nga Gjykata italiane. Sipas zbulimeve të ONM Thanza rezulton i dënuar në vitin 1999 me 40 ditë burgim në Itali.

Dënimi në Itali është zbuluar nga përfaqësuesit e ONM-së, pasi gjyqtari Thanza nuk e kishte deklaruar në formularët e dekriminalizimit. Ai kështu bëhet gjyqtari i parë që fsheh një dënim.

?Nga dokumentet e siguruara nga KPK-ja me ndihmën e ONM-së, rezulton se, zoti Thanza, lindur në Shkodër, ka qenë i dënuar nga Gjykata e Shkallës së Parë të Pizës në Itali, me vendim të shpallur më 21 qershor të vitit 1999. Ai është dënuar me 40 ditë burg dhe 100 mijë lireta italiane gjobë për veprën penale vjedhje në bashkëpunim?, ka thënë relatori Lulzim Hamitaj, gjatë seancës dëgjimore në KPK.

Në këtë mënyrë, sistemi i drejtësisë ka pasur në mesin e tij, për 26 vite me radhë një gjyqtar të dënuar për vjedhje dhe të lidhur me krimin.

Me pak fjalë, një gjyqtar me rekorde kriminale ka dhënë drejtësi deri në Gjykatën e Lartë.

Si u justifikua Thanza në KPK

Me lot krokodili para Komisionit të Pavarur të Kualifikimit, Thanza ka pranuar se ka qenë i dënuar për vjedhje dhe duke luajtur rolin e naivit i është dukur budallëk fshehja e pasurisë.

?Nuk e kuptoj pse një garazh duhet të bëhet kaq alarmant për jetën time. Ajo që më shqetëson është ekzistenca e një procedimi penal. Në këtë formular kam deklaruar edhe celularë?, ka thënë para KPK ?së, Thanza.

Thanza është munduar të justifikojë dënimin që ka marrë në Itali për vjedhje. Ai ka habitur me deklaratën e tij se është dënuar për të ndihmuar kunatën.

?Unë e mora përsipër krimin, doja të shpëtoja nipin tim. Për ngjarjen në Itali u detyrova nga rrethanat familjare. Nëse e nëna e tij do depërtohej dhe fëmija nuk do shpëtonte dot. Nipi ishte 9 vjeç, kërkonte ndihmë. E ëma e nipit kreu një krim unë e mora përsipër fajin. Nipi ishte sëmurë dhe babai nuk jetonte. E bëra për të mbrojtur djalin e vëllait. Ka qenë një marrëveshje me avokatin, ku do të merrja vetëm një gjobë. Nipi që shpëtova sot është 28 vjeç dhe jeton tashmë. Për dekriminalizimin shkova në Itali dhe mora një certifikatë të pastër penale. Më trajtoni njësoj si gjyqtarët e tjerë?, është justifikuar Thanza para KPK-së.

Gjatë seancës në KPK, është thënë se Thanza ka marrë para nga familjarët e një personi, dosjen e të cilit e kishte ai në gjykim.

Sipas KPK-së, Thanza është filmuar nga policia me motrën e një personi që ka probleme me drejtësinë, e cila dyshohet se i ka thënë para. Ky person është një ish-zyrtar i lartë në Shkodër.

Por, Thanza ka mohuar të ketë marrë para, duke thënë se ajo ka paguar vetëm kafet.

Thanza pa frikë mund të konsiderohet “peshku i madh” i drejtësisë. Ndërkohë që ai tani ka statusin e të pandehurit, asnjë fjalë nuk është thënë se nëse do të rishikohen vendimet që ka dhënë ai.

Thanza e ka nisur karrierën në vitin 1992, menjëherë pasi ka përfunduar studimet për Drejtësi. Ai ka punuar në Gjykatën e Shkodrës nga viti 1992 ? 2006, më tej në Gjykatën e Tiranës nga viti 2006 ? 2009, si dhe ka qenë anëtar i Gjykatës Kushtetuese në vitet 2009 ? 2013. Thanza ka qenë gjithashtu edhe anëtar i Këshillit të Lartë të Drejtësisë. Gjithashtu ai ka punuar edhe si pedagog.

CNA.al po risjell pasurinë e deklaruar prej ndër vite, sipas të dhënave të Open Spending Albania.

Sipas deklaratave të pasurisë, Thanza rezulton se ka një pasuri familjare me vlerë rreth 13.4 milionë lekë në vitin 2003 kur deklaroi për herë të parë pasurinë. Ndërsa në fund të vitit 2017, vlera e pasurisë së deklaruar nga Thanza është rritur me tre herë, duke kapur vlerën e 50.5 milionë lekëve.

Pasuria e deklaruar ndër vite

Admir Thanza-deklarata e pasurisë së vitit 2003

Admir Thanza-deklarata e pasurisë së vitit 2004 (2)

Admir Thanza,Deklarata e pasurisë se vitit 2005

Admir Thanza, deklarata e pasurisë së vitit 2006

Admir Thanza, deklarata e pasurisë së vitit 2007

Admir Thanza, deklarata e pasurisë së vitit 2008

Admir Thanza deklarata e pasurisë së vitit 2009

Admir Thanza, deklarata e pasurisë së vitit 2010

Admir Thanza, deklarata e pasurisë së vitit 2011

Admir Thanza-deklarata e pasurisë së vitit 2012

Admir Thanza-deklarata e pasurisë së vitit 2013