web counter
LEXO PA REKLAMA!

SHKARKO APP

App Store
Google Play

E fundit!

x

Qytetarët e Korçës kanë marrë një vendim/ Çfarë paralajmëron Basha

11 Mars 2019, 11:54, Aktualitet CNA

Kryetari i Partisë Demokratike, Lulzim Basha ndodhet në Korçë nga ku po vijon turin e takimeve me qytetarët për t?i ftuar ata në protestën e 16 marsit në Tiranë.

Kryedemokrati Basha tha se qytetarët korçarë, janë më të revoltuar dhe më të vendosur se kurrë dhe kanë marrë një vendim për të qënë vetë zotër në shtëpitë e tyre.

?Përfaqësues të biznesit të vogël, njerëz që u kanë hequr ndihmën ekonomike, fermerë të revoltuar që derdhin mollët në mes të rrugës, maturantë të shqetësuar se prindërit e tyre nuk kanë mundësi ti çojnë nesër në universitet. Kurrë nuk e kam parë Korçën më të revoltuar dhe më të vendosur.

Qytetarët e Korçës kanë marrë një vendim, të jenë ata zotër në shtëpitë e tyre dhe jo bandat e hajdutët që kanë gjashtë vite që jetojnë me djersën tuaj.?-tha Basha.

Më tej, ai tha se në Europë nuk shkohet pa zgjedhje të lira dhe me një qeveri të lidhur me krimin.

?Në Europë nuk shkohet pa zgjedhje të lira, nuk shkohet me politikanë të lidhur me krimin, me një parlament dhe me një qeveri që vjedh e dhunon qytetarët dhe më pas i përqesh ata. Nuk ka shpëtim tjetër përveç rrugës tonë drejt vlerave europiane?-u shpreh Lulzim Basha.

Po ashtu ai tha se ?Europë? do të thotë punësim, mirëqënie dhe paga dinjitoze dhe mundësia e vetme për ti arritur këto është largimi i kësaj qeverie që nuk mban premtimet.

?Europë do të thotë punësim, mirëqënie, paga dinjitoze dhe mbi të gjitha mundësi për rininë. Të gjitha janë të mundura nëse kemi një qeveri që mban premtimet. Ajo që nuk mban premtimet duhet të largohet. Kjo qeveri ka ardhur në pushtet me paratë e krimit të organizuar. Beteja jonë është kundër hajdutëve dhe pro popullit. Duhet larguar një qeveri që mbron hajdutët dhe çon para drejtësisë ata që kanë denoncuar krimin?-deklaroi ndër të tjera Lulzim Basha./ CNA.al





Lajmet e fundit nga