Basha takime me qytetarët në Korçë/ Premtimet që bën

11 Mars 2019, 10:49, Aktualitet CNA

Në vijim të turit të takimeve në rrethe, kryetari i Partisë Demokratike, Lulzim Bashan është ndaluar sot në Korçë, ku ka ftuar qytetarët ti bashkohen protestës së 16 marsit në Tiranë.

Basha zhvilloi gjithashtu takime me biznesin e vogël nga ku theksoi se heqja e taksës Rama mbi naftën do të rrisë fuqinë blerëse dhe të ardhurat e konsumatorit.

?Ju të keni në dorë qeverisjen dhe qeveria të kujdeset për interesin e njerëzve. Kemi një qeveri që është shkëpur nga njerëzit. Nuk dëgjon njerëzit. Sa herë vij këtu, keq e më keq. Gjendja e biznesit ka ardhur duke u përkeqësuar. Do të heqim ?Taksën Rama? mbi naftën me 300 lek që do të japë efekt të menjëhershëm tek biznesi dhe qytetarët.

Çdo familje që ka një makinë dhe harxhon mesatarisht. 100 litra naftë në muaj, kursen 30 mijë lek. Për biznesin e vogël, për një kamionçinë, kursimi shkon në 90 mijë lek në muaj, vetëm nga ulja e çmimit të naftës. Për biznesin e madh kursimi shkon deri në 700 mijë lekë të reja. Vetëm ulja e çmimit të naftës do të sjellë energji të reja në ekonomi. Do të ulë koston, do të rrisë fuqinë blerëse të qytetarëve do të rrisë çmimin dhe qarkullimin?, tha Basha.

Më tej, Basha premtoi se bizneset me xhiro vjetore nën 140 milion lekë do të përjashtohen nga TVSH-ja, ndërsa sulmoi ashpër qeverinë duke shtuar se ajo ka humbur busullën dhe ndodhet larg nevojave që kanë qytetarët. Basha premtoi gjithashtu edhe ulje të çmimit të energjisë elektrike.

?Ulja e çmimit të naftës, ulja e çmimit të energjisë, vetëm një taksë 0.5% për biznesin, nuk bëhen realitet pa larguar qeverinë e kapur në vjedhje. Ulja e çmimit të energjisë për biznesin e vogël do të jetë 20%. Ulja e çmimit të energjisë do t?ju krijojë mundësinë që të mbani biznesin. Të punësoni edhe dikë tjetër dhe të mos mbyllni biznesin. Me xhiro nën 140 milionë lek të vjetra në vit do të klasifikohet si biznes i vogël. Do të përjashtohet nga TVSH dhe do të paguajë vetëm një taksë lokale dhe qëndrore bashkë. 0.5% të xhiros vjetore. Me këtë taksë do të shlyhesh të gjitha detyrimet ndaj shtetit.?-u shpreh Basha.

Po ashtu Basha tha se pa larguar këtë qeveri, nuk bëjnë dot asgjë.

?Pa larguar një qeveri që është kapur duke ju vjedhur ju asgjë nuk bëjmë dot. Më 16 shkurt qytetaria e Korçës të zbresë në Tiranë në protestë?, shtoi Basha./CNA.al