web counter
LEXO PA REKLAMA!

SHKARKO APP

App Store
Google Play

E fundit!

x

Jonida Maliqi i surprizon të gjithë/Publikon klipin e Eurovizion duke marrë një rekord të ri

11 Mars 2019, 09:17, Aktualitet CNA

Jonida Maliqi publikoi videoklipin me të cilin do të prezantohet Shqipëria në Eurovision.Tematika, tingujt e veçante e krijimi i Eriona Rushitit, interpretuar nga Jonida kane arritur në më pak se dy orë të fusin Shqipërinë në 10 këngët më të kuotuara në faqen më të madhe të basteve eurovisionworld. Jo vetëm kaq, por duket se Jonida ka thyer rekordin me veten pasi në Instagramin e saj video e këngës ka shkuar mbi 600.000 klikime, deri në mesnatë. Nga ana tjetër surprizë janë edhe komentet e panumërta në kanalin e Eurovisionit, duke konsideruar këngën shqiptare unike, emocionuese dhe favorite për triumf.

Ajo qëndron e veshur me një fustan tyli ngjyrë ?nude? në një vend komplet të zi. Por ndërsa sfondi i këngëtares nuk ndryshon, pjesë e këtij klipi është bërë edhe djali i çiftit të balerinëve Enada dhe Gerd Vaso, Roani.

Ai duket se po ndjek hapat e prindërve, pasi ndërthur në mënyrën më të bukur kërcimin me aktrimin, teksa vrapon mes zjarrit.

?Ktheju Tokës, është një thirrje e kënduar fuqishëm nga Jonida Maliqi që u drejtohet tashmë jo vetëm shqiptarëve, por vjen njëherësh si një klithëm për mbarë fenomenin e emigracionit me të cilin po përballet aktualisht mbarë Europa. Gjithsesi, ky videoklip është vetëm paranteza e performancës së Shqipërisë në Eurovision, të cilën e ruajmë ende si surprizën e radhës?, shkruhet në postimin e Jonidës në Instagram.

Por ndërsa video mbyllet me pamjen e një shqiponje, në fund të saj lihet të kuptohet se klipi do të vazhdojë.





Lajmet e fundit nga