web counter
LEXO PA REKLAMA!

SHKARKO APP

App Store
Google Play

E fundit!

x

Ish-deputeti demokrat jep alarmin/ Kryetari i PD në Polici

11 Mars 2019, 12:33, Aktualitet CNA

Ish-deputeti demokrat Tritan Shehu, ka dhënë alarmin se banorët e Kërcyrës ndodhen nën terrorin e Policisë.

“Terror në Këlcyrë në mbrojtje të abuzivizmit e arrogancës qeverisëse.
Në Këlcyrë sot jemi përballë një operacioni policor terrorizues ndaj banorëve, për t’i bërë ata të heshtin për projektin fantazëm me vlerë miliona euro e procedurat anti ligjore, që kërkon të hedhë në rrugë shumë familje, gjë që nuk do ta arrijnë kurrë”, ka shkruar Shehu në rrjete sociale.

Shehu ka njoftuar se është thirrur në polici, kryetari i degës së PD Luan Malko, për protestën e organizuar ditën e shtunë kundër shembjes abuzive të dhjetra banesave.

“Ishte ajo një protestë masive, krejt demokratike e paqësore e banorëve kundër këtij akti thellësisht arbitrar, në kundërshtim me të drejtat themeltare të njeriut, aspak transparent, me hije të mëdha korruptive.
Po kështu midis të tjerëve i bëhet presion edhe qytetarit Ismet Lile, që në mënyrë shumë civile për ditë të tëra po proteston kundër shembjes së godinës së tij, një godinë e ndërtuar si të tjerat me leje përkatëse shumë vite më parë, brenda të gjithë kritereve urbanistike.
Ky dhe bashkëqytetarët e tij, ia kanë përplasur të vërtetën në sy, në zyrë, kryetarit aktual të Bashkisë, që kërkon të shembë shtëpitë e qytetarëve, gjë për të cilën është shprehur kundër edhe i gjithë Këshilli Bashkiak, duke kërkuar anullimin e atij projekti.
Policia e prokuroria aty duhet të përfshihen jo duke thirrur Kryetarin e PD e banorët, por ideatorët e zbatuesit e këtij projekti të paligjshëm, që i ngjan si dy pika uji atij të Astirit në Tiranë”, shkruan më tej ish-deputeti demokrat./CNA.al





Lajmet e fundit nga