web counter
LEXO PA REKLAMA!

SHKARKO APP

App Store
Google Play

E fundit!

x

Dhuna në protestë/ Policia shoqëron dy persona

10 Mars 2019, 19:36, Aktualitet CNA

Ditën e djeshme u zhvillua një protestë në qytetin e Fierit kundër kryeministrit Edi Rama.

Protesta degradoi në dhunë mes protestuesve dhe policisë ku për pasojë u plagos një punonjës policie.

Policia shoqëroi ditën e djeshme disa protestues ndërsa pak çaste më parë njoftohet të jenë shoqëruar edhe dy shtetas të tjerë.

Bëhet fjalë për shtetasit me iniciale L.Z 42 vjeç dhe E.K 37 vjeç banues në Fier.

Ndërkohë mësohet se janë shpallur në kërkim edhe dy persona të tjerë. Shoqërimi i tyre u bë pas analizimit të pamjeve filmike.

Njoftimi i Policisë:

Policia e Fierit ndalon 2 shtetas të tjerë të cilët ushtruan dhunë ndaj punonjësve të policisë në protestën e djeshme.

Në vijim të veprimeve hetimore dhe pas analizimit të pamjeve filmike dhe provave të tjera të grumbulluara, u bë i mundur identifikimi i dy personave të tjerë të cilët kanë ushtruar dhunë ndaj punonjësve të policisë në protestën e djeshme në Fier.

Si rezultat, u kapën dhe u ndaluan shtetasit:

L.Z, 42 vjeç, banues në Fier.

E.K, 37 vjeç, banues në Fier.

Gjithashtu, janë shpallur në kërkim edhe 2 shtetas të tjerë për të njëjtat vepra penale.

Materialet i kaluan Prokurorisë pranë Gjykatës së Shkallës së Parë Fier për veprat penale ?Kundërshtim i punonjësit të policisë së rendit publik? dhe?Organizim dhe pjesëmarrje në grumbullime dhe manifestime të paligjshme?./CNA.al





Lajmet e fundit nga