Peleshi në krah të kryebashkiakut Filo/ “Ky TEC nuk mund të ndërtohet”

10 Mars 2019, 14:47, Aktualitet CNA

Ish-ministri i Bujqësisë, Niko Peleshi, në një postim në rrjete sociale, ka reaguar lidhur me letrën e kryebashkiakut të Korçës kundër TEC-it.

Peleshi shprehet i bindur se reagimi i ministrave për refuzimin e lejes mjedisore do të jetë i shpejtë.

Sipas Peleshit, TEC-i nuk mund të ndërtohet derisa Bashkia e Korçës është kundër një projekti të tillë.

Më tej, ish-kryebashkiaku i Korçës, shkruan se sot deputet shkuan në zonën ku është planifikuar ndërtimi i TEC-it, që është një tokë që shquhet për prodhimet e shumta bujqësore.

Postimi i plotë i Peleshit:

LETRA E KRYEBASHKIAKUT KUNDER TEC-it.

Po vërej se ka disa pikëpyetje nëse mjafton një letër e kryebashkiakut për të mos lejuar ndërtimin e TEC-it në Korçë.

Se pari, jam i bindur qe reagimi i ministrave do të jetë i shpejtë dhe konform ligjit duke REFUZUAR aurorizimin dhe lejën mjedisore për arsyet që z. Filo i parashtron më së miri në letër.

Se dyti, në asnjë rrethanë NUK MUND TE NDERTOHET KY TEC, përderisa bashkia që përfaqëson interesin e qytetit eshte kunder.

Kam lexuar disa komente lidhur me blerjen e tokes bujqësore nga kompania. Kjo nuk përbën asnjë detyrim per institucionet për të dhënë lejet përkatëse. Në Komitetin e Investimeve Strategjike në dt 5.12.2017, kam marrë pjesë në cilesinë e ministrit të bujqesisë dhe e kam bërë të qarte (citoj raportin):

” Territori ku është pozicionuar projekti ?Termocentrali i Korçës?, Fusha e Korçës, nga fshati Barç, në fshatin Zëmblak, është një nga zonat me intensitetin më të lartë të aktivitetit bujqësor në Shqipëri. Për këtë qëllim toka bujqësore është e sistemuar dhe janë kryer investime të mëdha për ndërtimin dhe mirëmbajtjen e infrastrukturës ujitëse dhe kulluese. Ndërtimi i këtij projekti, do të cënojë funksionalitetin e kësaj infrastrukture, bashkë me veprat e artit. 4. Sa më sipër, vlerësojmë se ky projekt nuk mund të ndërtohet në sipërfaqet e projektuara.?

Nuk ka asnjë vendim qeverie për shpronësim sepse kjo e drejtë nuk iu dha investitorit kur aplikoi per statusin strategjik.

Përshëndes reagimin qytetar dhe rreshtohem përkrah bashkisë dhe qytetarëve.

Kemi dalë në krye, por kemi ende shumë rrugë për të realizuar ëndrrën e Korçës. Eshtë një rrugë e përbashkët dhe duhet ta bëjmë së bashku me qytetarët europianë të Korçës europiane.

#KorçaEuropiane

#KorçaTuristike

Me poshtë është tabela përmbledhëse e raportit të Komitetit ku shprehet qendrimi kundër i Ministrise se Bujqësisë dhe Zhvillimit Rural MBZHR dhe i Bashkise Korçë./CNA.al