web counter
LEXO PA REKLAMA!

SHKARKO APP

App Store
Google Play

Afat deri në fund të muajit/ Gjobë kush s’paguan tatim-fitimin

10 Mars 2019, 15:46, Aktualitet CNA

Drejtoria e Përgjithshme e Tatimeve i ka bërë thirrje bizneseve që janë subjekt i tatim-fitimit që deri në 30 Mars të shlyejnë detyrimin e pagesës së tatim-fitimit të tremujorit të parë .

Nëse kjo nuk ndodh do të aplikohet ndëshkimi me gjobë në masën 10% të detyrimit që kanë për të paguar.

Sipas “Top Channel”, aktualisht numërohen  rreth 25 mijë biznese, të cilat paguajnë tatim mbi fitimin. Skema e taksimit është progresiv me tre fasha dhe mbi xhiron e biznesit. Për bizneset me xhiro deri në 5 milionë lekë në vit, tatim-fitimi është zero ndaj kjo kategori ndërmarrjesh nuk ka detyrim për të deklaruar.

Për bizneset me xhiro nga 5 deri në 14 milionë lekë në vit tatim-fitimi është 5%, ndërsa për ndërmarrjet që kanë një qarkullim vjetor më të lartë se 14 milionë lekë, taksa është 15% e fitimit.

Ky është viti i parë që biznesi e paguan tatim-fitimin, sipas kësaj skeme. Deri vitin e kaluar, tatim-fitimi paguhej 15% nga të gjitha bizneset me xhiro mbi 8 milionë lekë në vit. Por, me paketën e re fiskale, qeveria e rriti kufirin në 14 milionë lekë duke ulur taksën për rreth 11 mijë subjekte.





Lajmet e fundit nga