E fundit!

14:44 Editorial

"Terroristët" e rrjeteve sociale duhen çuar para drejtësisë

Prej ditësh bizneset në Shqipëri u përballën me një fo...

Këngëtari Hysni Alushi në betejë me sëmundjen/ Luan Rama: Indiferenca e qeverisë, po e vret

3 Mars 2019, 11:00, Aktualitet CNA

Zëvendëskryetari i LSI-së, Luan Rama ka reaguar ashpër në lidhje me rastin e këngëtarit Shyqyri Alushi, i cili është i sëmurë.

Alushi nuk ka mundësi ekonomike për t’u shëruar dhe kjo ka çuar në revoltimin e Ramës, i cili ka shenjëstruar jo vetëm sektorin e shëndetësisë por edhe Ministren e Kulturës.

Sipas tij, shëndetësia ?falas? dhe indiferenca e qeverisë, po e vret këngëtarin Shyqyri Alushi.

“Shyqyri Alushi, ?Artisti i merituar? dhe zëri më përfaqësues i këngës popullore qytetare shkodrane pas Bik Ndojës së paharruar, gjendet i vetmuar përballë shëndetësisë falas dhe indiferencës së qeverisë!

Natyrisht, zonja ministre e kulturës dhe shumë prej kolegëve të saj mund të pyesin se ?kush është ky Shyqyri Alushi?!?, por më shumë se ky fakt, problemi është që institucionet tona të kulturës e ato të vlerësimit e nderimit të artistëve, nuk kanë e nuk respektojnë kritere profesionale e shkencore për hierarkinë e vlerave në këtë vend!

Një jetë të tërë, përmes këngës së vet, Shyqyri Alushi iu fal popullit të tij me shpirt e zemër, duke qenë një model i qytetarit artist dhe artistit qytetar.

E kur duhej që të ndjente bashkë me dashurinë dhe respektin e qytetarëve shkodranë dhe atyre të të gjithë vendin që asnjëherë nuk i ka munguar edhe vëmendjen, respektin dhe mirënjohjen e shtetit, shëndetësia ?falas? dhe qeveria e rilindjes, jo vetëm e ka braktisur artistin fisnik, por edhe po e vret atë me indiferencën e vet!”, ka shkruar Rama në rrjetet sociale.

Rama shkon edhe më tej, duke thënë se Alushi përveç me sëmundjen po përballet dhe me një shëndetësi ku mungojnë ilaçet.

“Unë lutem me shpirt dhe uroj me zemër që Shyqyri Alushi t?a fitojë betejën me sëmundjen dhe të kthehet në familjen e tij për të qenë gëzimi dhe krenaria e tyre e, edhe e jona, po për fat të keq, ai ka përballë bashkë me sëmundjen, edhe shendetësinë ?falas? pa ilaçe dhe medikamente, ka përballë edhe indiferencën e qeverisë e të shtetit, i cili nuk kursehet duke shpërblyer e nderuar përfaqësues antivlerash e mediokritetesh perverse, që gëlojnë dhe ushqehen për të gajasur e duartrokitur duke u mbllaçitur e gogësitur korridoreve të pushtetit!”, ka shkruar më tej ai./CNA.al