E fundit!

12:43 Aktualitet

Helmimi i kursantëve të Akademisë së Sigurisë/ Reagon Sori-Al: Futen ushqime nga jashtë

Kompania Sori-Al ka reaguar në lidhje me helmimin e 60 kur...

Protesta, ish-deputeti i PD kapet duke gënjyer/ Zbardhen mesazhet

3 Mars 2019, 10:40, Aktualitet CNA

Dje u raportua për një protestë në qytetin e Fierit, e cila u zhvillua në shenjë pakënaqësie për qeverinë Rama.

Kryetari i Partisë Demokratike në Fier, Luan Baçi në një prononcim për mediat lokale ka thënë se qytetarët janë organizuar vetë për të dalë në protestë ditën e djeshme, pa i thirrur askush.

Sipas Z. Baçi gjithçka ishte një rastësi, pasi qytetarët janë ata që po organizohen për të larguar qeverinë Rama.

Ai këmbëngul se protesta ishte e paprogramuar.

?E vërtetë ishte jashtë agjendës, unë kisha një takim me disa drejtues të strukturave, në fakt pati shumë qytetarë që u afruan. Zyra nuk i merrte atje lart, zbritëm këtu poshtë. Poshtë dolën në rrugë, ishte e paprogramuar, ishte e paprojektuar për t?u bërë një tip shfaqjeje mllefi apo një pakënaqësi qytetarëve, siç u mbodhën sot këtu. Dhe dëshira e tyre është që duhet të vazhdojë çdo ditë që ?Rama ik?, dhe çdo ditë për t?i thënë kësaj qeverie që të largohet. Partia Demokratike tani do të jetë çdo ditë në rrugë me qytetarët shqiptarë, në mbështetje të qytetarëve, jo se do dalim ne dhe organizojmë, dalin vetë dhe protestojnë?, – deklaroi Baçi për një media lokale.

Por, burime për CNA.al bëjnë me dije se qytetarët e Fierit ishin thirrur me anë të SMS-ve që në mënyrë të domosdoshme duhet të ishin pjesë e protestës.

Në njërën nga mesazhet e dërguar qytetarëve shkruhet se do të zhvillohet një takim shumë i rëndësishëm pranë zyrave të PD-së në Fier dhe pjesëmarrja ishte shumë e rendësishme. / CNA.al