web counter
LEXO PA REKLAMA!

SHKARKO APP

App Store
Google Play

E fundit!

x

Ish deputeti "kaubojs"/ Protesta, "luftë" për të zevendësuar një hajdut me një tjetër

27 Shkurt 2019, 22:39, Aktualitet CNA

Eduart Ndocaj, ish deputeti i njohur masivisht si “Kaubojsi”, nëpërmjet një mesazhi të postuar në rrjetet sociale ka vlerësuar protestën e opozitës dhe qendrimin që ka mbajtur Policia e Shtetit, dje në mbrëmje, ku sërish nuk kanë munguar bombat me gaz lotësjellës.

“Në një protestë paqësore u hodh gaz lotsjellës”,- shkruan “Kaubojsi” në hyrje të shkrimit që vijon:

Ndoshta kjo duket si diçka ?e lehtë? për ne shqiptarët duke qënë se kemi parë edhe të vriten njerëz nëpër protesta, por as kjo nuk duhet toleruar. Nëse dikush të gjuan me shqelm nuk do të thotë që i lejohet të të gjuajë me shuplaka.
E kam thënë disa herë që për mua kjo protestë nuk ka asnjë vlerë. Nuk ka asnjë vlerë sepse e gjithë kjo ?luftë? bëhet për të rrëzuar një hajdut e për te ngritur një tjetër. ?shtë e paimagjinueshme për mua të protestoj krah Lulit e Monës, të cilët nuk duan gjë tjetër veçse të kenë më shumë mundësi të vjedhin. E megjithatë nuk i mohoj askujt të drejtën për të protestuar. Këtë s?duhet ta bëjë askush. As një njeri i thjeshtë, as kryeministri, as minisiti i brendshëm. Askush.

E megjithatë një protestë u dhunua. Dhunë për të cilën përgjegjës i parë është ministri i brendshëm. Ai që drejton policinë. Prandaj unë gjej rastin t?i drejtohem si miku mikut. Mirditori mirditorit. Shqiptari shqiptarit.

Zoti Lleshaj, jini i vëmendshëm ndaj qytetarëve të këtij vendi. Ju supozohet t?i ruani e t?i mbroni ata. Jo t?i dhunoni. Ata në shesh janë motrat e vëllezërit tanë. Mund të ishit dhe ju aty. Ndoshta do të jeni në një të ardhme. Nuk besoj se do ju pëlqente të dhunoheshit kur ju vetë nuk shfaqni dhunë. Përdorimi i gazit lotsjellës është arma e fundit që dikush duhet të përdorë kur një protestë del jashtë kontrollit.

Duhet të tregoni integritet. T?i besoni bindjeve tuaja e ligjeve të këtij shteti e jo të ktheheni në një kukull apo makinë që thjesht bën atë që i thuhet. Duhet të keni pak respekt për veten fillimisht, por edhe për bashkëqytetarët. Nuk mund t?i trajtoni në këtë mënyrë. Tregohuni i përmbajtur. Një shtet ka rregulla. ?shtë e parashikuar çdo gjë se si duhet të veproni. Përmbajuni ligjeve e jo dëshirave e nevojave të çdokujt. Në një post të tillë duhet të jeni i fortë. I ftohtë. I hekurt. Të mendoni për të mirën e përgjithshme e jo për të mirën e një individi të vetëm. Unë kam besim që ju mund të beni diferencën në atë qeveri zoti Lleshaj, prandaj mos bjer viktimë e prapaskenave keqdashëse të politikës. Jini i drejtë! Mos u rrëmbeni nga kënaqësia që ju jep pushteti. Mos i harroni vlerat. Lini një gjurmë të mirë në atë ministry e në historinë e demokracisë shqiptare”.

Në fund postimi i ish deputetit “Kaubojs” mban si ilustrim fotografinë e mëposhtëm ku në krah të tij qendron Sander Lleshaj, ministri i Brendshëm në detyrë.





Lajmet e fundit nga